Автор: Лейла Болтаева

Германияның бұрынғы президенті Кристиан Вульф әлемге Түркия көбірек қажет болып отырғанын мәлімдеді, деп жазады Ertenmedia.kz. Ол Ыстанбұлдағы Рахми М. Коча музейінде өткен Герман-түрік іскерлік кеңесі атқарушы кеңесінің отырысында сөйлеп, Анкараның жаһандық динамика өзгерген қазіргі кезеңдегі стратегиялық рөлі артып келе жатқанын айтты. Вульфтың сөзінше, Германия Түркия үшін ең маңызды сауда серіктестерінің бірі болып қала береді. Алайда екі ел арасындағы экономикалық ынтымақтастықтың әлі толық ашылмаған үлкен әлеуеті бар. Сондықтан кездесудің басты мақсаты өзара жұмыс істейтін нақты бағыттарды айқындап, бар мүмкіндікті тиімді пайдалану. Бұрынғы президент қазіргі Түркияны өзіне сенімді мемлекет ретінде сипаттады. Оның айтуынша, Германия мен Түркия арасындағы байланыста өзара сенім шешуші рөл…

Түркістан облысының әкімі Нұралхан Көшеров Өзбекстан Республикасының Қазақстандағы Төтенше және Өкілетті елшісі Бахтиер Ибрагимовпен кездесіп, екіжақты ынтымақтастықты кеңейту мәселесін талқылады, деп жазады Ertenmedia.kz. Кездесуде Түркістан облысы мен Өзбекстан арасындағы сауда-экономикалық, инвестициялық, ауыл шаруашылығы, өнеркәсіп, мәдениет және туризм бағытындағы байланыстар сөз болды. Тараптар өзара тауар айналымын арттыру, бірлескен өндіріс орындарын ашу, өңіраралық байланысты нығайту және туристік әлеуетті бірге дамыту мүмкіндіктерін қарастырды. Аталған жұмыс Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёев арасындағы жоғары деңгейдегі келісімдер аясында іске асып келеді. Екі ел басшыларының өзара сенімі мен тұрақты саяси диалогы өңіраралық ынтымақтастыққа да серпін беріп отыр. Нұралхан Көшеров Түркістан облысы мен Өзбекстанның…

Астанада Counter-Strike 2 бойынша PGL Astana 2026 халықаралық турнирі өтеді. Ірі киберспорт додасы 15-17 мамыр аралығында Barys Arena алаңында ұйымдастырылады. Турнирге әлемдік деңгейдегі 16 команда қатысады. Жарысты миллиондаған көрермен онлайн тамашалайды деп күтіліп отыр, деп жазады Ertenmedia.kz. PGL Astana 2025 турнирі өткен жылы үлкен қызығушылық тудырған еді. Онлайн қаралым көрсеткіші рекордтық деңгейге жетіп, халықаралық аудитория Астанадағы жарысты жоғары бағалады. Осыдан кейін елорда әлемдік киберспорттағы жаңа орталықтардың бірі ретінде таныла бастады. 2026 жылы турнирдің қайта өтуі сол жетістіктің жалғасы саналады. Ұйымдастырушы PGL Esports SRL. Бұл компания киберспорт жарыстарын өткізетін әлемдегі жетекші операторлардың бірі. Биылғы жүлде қоры 1,6 млн АҚШ долларына дейін…

Freedom Holding Corp. соңғы үш жылда Қазақстандағы шахматты дамытуға шамамен 30 млн доллар бағыттады, деп жазады Ertenmedia.kz. 2025 жылдың өзінде холдинг Freedom Holding, Freedom Broker және «Freedom Шапағат» қоры арқылы шахмат саласына 11,2 млн доллар бөлген. 2023 жылдан бері Қазақстан шахмат федерациясын Тимур Турлов басқарып келеді. Осы кезеңде шахмат жеке спортшылардың табысымен ғана өлшенбейтін, нақты қаржысы, инфрақұрылымы және халықаралық байланысы бар жүйелі бағытқа айнала бастады. Қолдау нәтижесі турнир санынан бірден байқалды. 2023 жылы Қазақстанда 1538 шахмат жарысы өтсе, 2025 жылы олардың саны 4000-ға жуықтады. Тек 2025 жылдың қазан айында 400-ден астам жарыс ұйымдастырылды. Сонымен қатар Қазақстан шахмат федерациясы Азия чемпионаттары,…

Алматыда бизнес, медиа және креативті индустрия өкілдерінің қатысуымен IV PR ROOM CREATIVE INDUSTRIES FORUM қарсаңындағы префорум өтті, деп жазады Ertenmedia.kz. Іс-шараға сәулет, кино, медиа, урбанистика және креативті бизнес саласында жұмыс істейтін мамандар қатысты. Префорумды Айнұр Байғожа құрған PR Room қауымдастығы Алматы қаласын дамыту орталығының қолдауымен ұйымдастырды. Кездесу креативті индустрияны дамытуға қатысты өзекті мәселе талқыланатын кәсіби алаңға айналды. Қатысушылар шығармашылық жобаларды қаржыландыру, тұрақты бизнес-модель құру және креативті өнімді табысты монетизациялау жолдарын қарастырды. Сонымен қатар беделді қорғау, авторлық құқықты сақтау және креативті жобаны тиімді басқару мәселесіне ерекше назар аударылды. Мұндай тақырыптар қазіргі шығармашылық нарық үшін маңызды. Себебі жақсы идеяны іске асырумен қатар,…

Түркия статистика институтының ресми дерегіне сәйкес, наурызда жылдық инфляция 30,87 пайыз болған еді. Сәуірде тұтыну бағасының индексі бір айда 4,18 пайызға өсті. Ал 2025 жылғы желтоқсанмен салыстырғанда баға өсімі 14,64 пайызға жетті, деп жазады Ertenmedia.kz. Anadolu агенттігі жүргізген сауалнамада сарапшылар сәуірдегі жылдық инфляцияны 31,11 пайыз, айлық инфляцияны 3,19 пайыз болады деп болжаған. Алайда нақты көрсеткіш болжамнан жоғары шықты. Баға өсіміне ең көп әсер еткен негізгі бағыттардың бірі – азық-түлік пен алкогольсіз сусындар. Бұл санаттағы баға сәуірде жылдық есеппен 34,55 пайызға көтерілді. Оның жалпы инфляцияға қосқан үлесі 8,72 пайыздық тармақ болды. Көлік саласында да баға қысымы сақталып отыр. Тасымал және көлік…

Қасым-Жомарт Тоқаев экономиканы цифрландырудың нақты тиімділігін бағалау үшін өлшемді көрсеткіштер қажет екенін айтты, деп жазады Ertenmedia.kz. Президенттің сөзінше, есептелмейтін немесе көзге көрінбейтін процесті басқару қиын. Сондықтан Үкімет ведомстволар деңгейіндегі жағдайға базалық есеп жүргізетін жүйені көп созбай қолданысқа енгізуі керек. Мемлекет басшысы цифрландыру мен мемлекеттік жобалардың нақты пайдасын жан-жақты зерделеу қажеттігін атап өтті. Үкімет Digital Qazaqstan стратегиясы аясында «ізашар жобаларды» іріктеп шығарған. Енді сол жобаларды мұқият сараптап, олардың экономикаға тікелей әсерін анықтау маңызды. Президент қай салада болсын түпкі нәтижеге жету үшін жеке жауапкершілік қажет екенін ескертті. Қасым-Жомарт Тоқаев бұл мәселені елдің болашағына тікелей әсер ететін таңдау ретінде бағалады. Оның айтуынша, Қазақстан…

4 мамырдан бастап «Қазақстанның авиациялық әкімшілігі» АҚ-ның Бас атқарушы директоры қызметіне Майкл Дэниел тағайындалды, деп жазады Ertenmedia.kz. Майкл Дэниел азаматтық авиация саласында 40 жылдан астам тәжірибесі бар халықаралық деңгейдегі маман саналады. Ол АҚШ-тағы Эмбри-Риддл аэроғарыш университетін «Аэронавтика» мамандығы бойынша тәмамдаған. Кәсіби жолын АҚШ-тың Азаматтық авиация жөніндегі федералдық басқармасында, яғни FAA жүйесінде бастаған. Осы құрылымда ұшу пайдалану инспекторы, әуе кемелерін сертификаттау маманы, ұшу қауіпсіздігі қызметінің басшысы, халықаралық бағдарламалар мен саясат жөніндегі аға менеджер сияқты жауапты лауазымдар атқарған. Оның FAA-ның Франкфурт, Нью-Йорк және Вашингтон қалаларындағы халықаралық кеңселерінде жұмыс тәжірибесі бар. 2006-2009 жылдары Сингапур мен Бейжіңдегі FAA халықаралық кеңселерін басқарған. Сол кезеңде шетелдік…

Алматыда Президент Қасым-Жомарт Тоқаевтың төрағалығымен Жасанды интеллектіні дамыту жөніндегі кеңестің екінші отырысы өтті, деп жазады Ertenmedia.kz. Мемлекет басшысы жиында әлем технологиялық трансформацияның жаңа кезеңіне аяқ басқанын айтты. Оның сөзінше, қазіргі өзгерістер XIX-XX ғасырлардағы индустриялық революциямен салыстыруға келмейді. Себебі жаңа технологияның жылдамдығы мен ауқымы әлдеқайда кең. Физикалық өмір мен цифрлық кеңістік арасындағы шекара барған сайын көмескіленіп барады. Президент жасанды интеллект жаһандық экономиканың негізгі тірегіне, ал үлкен деректер қоры аса маңызды ресурсқа айналғанын атап өтті. Сондықтан Қазақстан бұл бағытты стратегиялық басымдық ретінде қарастырады. Елдің алдына заманауи цифрлық мемлекетке айналу мақсаты қойылған. Қазір институционалдық негіз бен базалық инфрақұрылым қалыптасып келеді. Ендігі міндет –…

Қазақстанда мемлекеттік қолдаудың күшеюінен кейін балық өсіру саласына бизнестің қызығушылығы айтарлықтай артты, деп жазады Ertenmedia.kz. Ұлттық статистика бюросының дерегінше, 2018 жылдан 2022 жылға дейін елдегі аквакультура қоры 3 еседен астам өсіп, 5,7 мың тоннадан 19,2 мың тоннаға жеткен. Мұндай серпін кездейсоқ емес. Соңғы жылдары мемлекет балық шаруашылығын жеке кәсіп үшін тартымды бағытқа айналдыруға күш салып отыр. Балық өсіретін шаруашылықтар үшін салық 70 пайызға төмендетілген. Сонымен қатар кәсіпкерлер салған инвестициясының 25 пайызын өтей алады. Бұған қоса, жем құнының 30 пайызына дейін, шабақ, дәрі-дәрмек немесе бағалы балық түрлерінің аналық қорын сатып алуға кеткен шығынның 50 пайызына дейін субсидия қарастырылған. Бұл мәліметті Экология…