Автор: Лейла Болтаева

Трамптың соңғы мәлімдемелерінен Ақ үй қожайыны Иранға қатысты ақпараттық соғысты үдетіп, теокартиялық билік режиімінде алауызыдық туғызуға бет бұрғанын байқауға болады, деп жазады Ertenmedia.kz. Бастапқыда Трамп Иранға шабуыл жасауға 48 сағат уақыт белгілеп, кейін ол райынан қайтқан соң, көпшілік Трамп жеңілді деп ойлап қалды. Біреулер бұл соғыста Иран жеңіске жетті деп санаса, енді бірі АҚШ енді шегінді деген пікірді ұстанды. Десекте Трамптың әрбір сөзіне емес, оның нақты әрекеттеріне мән беру керек. Бір күндегі Трамптың мәлімдемелері бір-біріне қарама-қайшы келуі мүмкін. Сол себепті оқиғаға кеңірек ауқымда, ұзақ мерзімдік тұрғыда қараған жөн. Трамп журналистерге берген сұхбатында Иран билігінде маңызды өзгерістер болатынын, қазіргі уақытта Иранның…

Қостанай облысында мемлекеттік қаржының тиімді жұмсалуын тексерген аудиторлар бірқатар заңбұзушылықтарды анықтады. Әсіресе дәрігерлік амбулаторияларды салуға арналған медициналық құрал-жабдықтардың бағасы бірнеше есе көтерілгені белгілі болды, деп жазады Ertenmedia.kz. Тексеру барысында анықталғандай, медициналық жабдықтар сметалық құжатта көрсетілген бағадан шын мәнінде 18-46 есеге дейін арзанға сатып алынған. Ал кейбір жабдықтардың құны банкрот деп танылған компаниялардың прайс-листері бойынша белгіленген. Нәтижесінде, медициналық құрал-жабдықтар бағасы шамамен 200 млн теңгеге жасанды түрде көтерілген. Сонымен қатар, мемлекеттік сатып алу саласында жалпы сомасы 12 млрд теңге болатын өрескел заңбұзушылықтар анықталды. Олардың қатарында конкурс талаптарына сәйкес келмейтін компанияларды жеңімпаз деп тану, еш негізсіз «қызметтік пайдалану үшін» деген белгі қою арқылы…

Бұрын діни түсіндіру жұмысы көбіне мешіт мінберіндегі уағыз, жамағатпен кездесу немесе діни сұраққа жауап беру шеңберінде болғаны жасырын емес. Қазір жағдай өзгерді. Жастардың басым бөлігі ақпаратты әлеуметтік желіден алады. Діни сұрақтың жауабын да алдымен интернеттен іздейді. Ал интернетте сенімді біліммен қатар күмәнді уағыз, эмоцияға құрылған насихат өте көп. Осындай ортада имамның да, теологтың да жауапкершілігі артады, деп жазады Ertenmedia.kz. Имам қоғаммен күн сайын бетпе-бет жұмыс істейді. Ол адамдардың қуанышы мен қайғыға батқанда қасынан табылады. Жұма намазындан кецінгі уағыз, мешіттегі кездесубәрі имамның тікелей алаңы. Ал теолог діни ағымдарды, идеялық тәуекелді, радикалдану белгілерін, мәтін мен контекст арасындағы айырманы ғылыми тұрғыдан талдайды. Осы…

Ел азаматтары күз-қыс айларында құрманы жиі тұтынып келеді. Бірақ көпшілік біле бермейтін бір жайт бар – осы тәтті әрі пайдалы жемістің шамадан тыс мөлшерде тұтынылуы денсаулыққа қауіпті болуы мүмкін, деп жазады Ertenmedia.kz. Дәрігер Мұрат Болатұлының айтуынша, құрма сияқты жемістердің құрамында танин деп аталатын илегіш заттар бар. Осы танин асқазанда жиналып, бірте-бірте безоар атты бөгде түзіліске айналады екен. Уақыт өте келе бұл түзіліс асқазан қуысын толық жауып, ас қорытуды қиындатады. Қазақстандық дәрігерлер де безоардың пайда болуына қатысты жағдайлар сирек болса да кездесетінін айтады. Әсіресе күз-қыс мезгілінде құрманы қабығымен көп мөлшерде тұтынған азаматтар осындай шағыммен ауруханаға жиі жүгінеді екен. Фитобезоар жеміс-жидек қабығынан…

Қазақстандықтар 2026 жылғы көлік салығын 1 сәуірге дейін төлеуі тиіс. Алайда мопед иелері салық төлеуге міндетті ме, жоқ па, бұл мәселе көпшілікті толғандырып отыр, деп жазады Ertenmedia.kz. Қазақстанда заң бойынша тіркелген және есепке алынған барлық көлік құралдарына салық салынады. Бұған А және А1 санатындағы көліктер де жатады. Салық кодексінің 565-бабында мотоцикл, мотороллер, мотошана және шағын су көліктері үшін қозғалтқыш қуатына қарай салық мөлшері бекітілген: қуаты 55 кВт (75 ат күшіне дейін) – 1 АЕК; қуаты 55 кВт (75 ат күшінен асатындар) – 10 АЕК. Дегенмен, аталған тізімде «мопед» деген ұғым жоқ. Бұл мәселені нақтылау үшін Қаржы министрлігі Мемлекеттік кірістер комитетіне…

Көптеген қазақстандықтардың үйінде істен шыққан смартфон, ноутбук немесе басқа да электронды құрылғылардың шаң басып жатқаны рас. Олардың ішінде алтын мен күміс сияқты бағалы металдар бар екенін естігенде, кейбіреулер ескі техниканы «бөлшектеп», пайда табуды да ойлап қалады. Бірақ бұл іс шынымен де тиімді ме? Ertenmedia.kz сарапшылары осы сұраққа жауап іздеп көрді. Шын мәнінде, смартфон мен ноутбук секілді құрылғылардың ішінде расында алтын кездеседі. Бірақ оның мөлшері өте аз. Мамандардың пікірінше, бір грамм таза алтын алу үшін ондаған смартфон қажет екен. Ал ноутбуктер смартфондардан үлкен болғанымен, алтынның мөлшері де айтарлықтай көп емес. SD Bullion сараптамалық компаниясының дерегінше, бір ноутбукта шамамен 0,1 грамм алтын…

Су ресурстары және ирригация министрі Нұржан Нұржігітов Түркістан облысында вегетациялық кезеңге дайындық жұмыстарын талқылап, жауапты мамандарға нақты тапсырмалар берді, деп жазады Ertenmedia.kz. Жиында «Қазсушар» РМК облыстық филиалының өндірістік бөлімше басшылары өңірдегі шаруаларды суармалы сумен қамтамасыз ету мақсатында атқарылып жатқан жұмыстар туралы есеп берді. Қазіргі таңда облыс бойынша 63 дана сорғы қондырғысын сатып алу жұмыстары жүргізілуде. Бұл жабдықтар суару каналдарындағы су деңгейі төмендеген жағдайда пайдаланылмақ. Мамыр айының соңына дейін барлық қондырғылар өңірдегі өндірістік учаскелерге жеткізіледі деп жоспарланып отыр. Сондай-ақ, облыста суару каналдарын механикалық тазарту жұмыстары қарқынды жүріп жатыр. Биыл жыл басынан бері 316,9 шақырымды құрайтын 118 канал учаскесі тазаланған. Жалпы, жыл…

Бүгін Қаржылық мониторинг агенттігі (ҚМА) ел азаматтарына дипфейк технологиясын қолданатын жаңа алаяқтық әрекеттер туралы ескертіп, шұғыл үндеу жариялады, деп жазады Ertenmedia.kz. Агенттіктің хабарлауынша, алаяқтар ҚМА өкілінің жалған бейнесін және агенттіктің атынан ашылған жалған веб-сайттарды пайдалануда. – Таратылып жатқан бейнероликтерде агенттік өкілінің атынан жалған инвестордың оқиғасы баяндалады. Сценарий бойынша, инвестиция жасағаннан кейін оған кіріс көрсетіліп, кейін қаражатты шешіп алу үшін түрлі комиссиялар, салықтар және «тексерулер» үшін төлем жасау талап етіледі. Бірнеше төлем жасағаннан кейін де қаражатқа қол жеткізу мүмкін болмайды. Содан соң «ақшаның бір бөлігін банктер мен реттеушілер арқылы қайтаруға мүмкіндік бар» деп көрсетіледі. Әрі қарай, бейнероликтегі «толығырақ» батырмасын басқан адам…

Соңғы уақытта Қазақстанда дұрыс тамақтануға қызығушылық артып келеді. Осы қызығушылықпен бірге нутрициолог курсын оқып алып, әлеуметтік желіде кеңес беретіндер де көбейген. Мұндай «сарапшылардың» кеңесіне сақтықпен қараған жөн, деп жазады Ertenmedia.kz. Рационалды тамақтану жөніндегі клиникалық психолог Ержігіт Тоқтарұлының пікірінше, қазір сәнге айналған нутрициолог мамандығының нақты анықтамасы да жоқ. Медициналық білімі мен тәжірибесі жоқ адамдар диета және дұрыс тамақтану бойынша кеңес беріп, «суперфудтарды» белсенді насихаттауда. Чиа тұқымы, годжи жидегі, спирулина, лактозасыз әрі глютенсіз тағамдар, өсімдік сүті сияқты өнімдер кәдімгі тағамнан әлдеқайда қымбат тұрады. Бірақ бұл өнімдердің ешқандай кереметі жоқ, дейді маман. – Аталған өнімдерден алатын пайдаңыз өте аз. Егер сізде қандай да…

Бүгіннен бастап Шымкент мұнай өңдеу зауытында жоспарлы алдын алу жұмыстары (ЖАЖ) басталды. Бұл жұмыстар еліміздің «Азаматтық қорғау туралы» заңы мен Энергетика министрлігі бекіткен кестеге сәйкес жүргізіліп отыр, деп жазады Ertenmedia.kz. Жоспарлы жөндеудің негізгі мақсаты жабдықтардың сенімділігін қамтамасыз етіп, технологиялық процестердің тұрақтылығын сақтау, сонымен қатар өндірістік тиімділікті арттыру. ЖАЖ аясында зауыттағы 573-тен астам қысыммен жұмыс істейтін жабдық пен 170-тен аса технологиялық құбырға міндетті техникалық тексеру және сараптама жүргізу көзделген. Жөндеу жұмыстары кезінде еңбекті қорғау, өнеркәсіптік және өрт қауіпсіздігі талаптары ерекше бақылауда болады. Жалпы алғанда, іс-шараға 2035-тен астам адам мен 222 бірлік арнайы техника жұмылдырылады. Ең күрделі жұмыстардың қатарында ЭЛТҚ-АТ қондырғысының П-101/1-1,2…