Автор: Лейла Болтаева

Алматыда 19 сәуір күні тоғызыншы Almaty Half Marathon өтіп, оған әлемнің 44 елінен 10 мыңнан астам желаяқ қатысты, деп жазады Ertenmedia.kz. Ауқымды жарыс Қазақстандағы жүгіру маусымының шымылдығын ашып қана қоймай, Алматының халықаралық спорттық туризм орталығы ретіндегі орнын тағы бір мәрте айқындады. Биылғы жартылай марафон шетелдік қатысушылар саны бойынша да рекорд жаңартты. Ұйымдастырушылардың мәліметінше, жарыс жолына 800-ден астам шетелдік спортшы шыққан. Қатысушылардың басым бөлігі Ресей, Қырғызстан және Өзбекстаннан келген. Сонымен бірге Қытай, АҚШ, Ұлыбритания, Украина, Беларусь және Еуропа, Азия, Америка мен Таяу Шығыстың өзге елдерінен де желаяқтар жиналды. «Бірінші болу – батылдық» корпоративтік қорының дерегіне қарағанда, марафонға қызығушылық жыл сайын артып…

Алматыда алаяқтар Мемлекеттік кірістер департаментінің атын жамылып, жалған салық есептілігін тапсыру туралы талаптар тарата бастады, деп жазады Ertenmedia.kz. Мессенджерлерде жаңа алдау тәсілі пайда болған. Қаскөйлер WhatsApp арқылы өздерін Алматы қаласы бойынша Мемлекеттік кірістер департаментінің басшылығы ретінде таныстырып, азаматтар мен кәсіпкерлерге шұғыл түрде салық нысандарын тапсыру қажет екенін хабарлап жатыр. Олар жалған «қызметтік жазба» мен «талап» жолдап, 200.00, 300.00 және өзге де есептілік формаларын 2026 жылғы 21 сәуірге дейін өткізу керек деген мәлімет таратқан. Алматы қаласы бойынша Мемлекеттік кірістер департаменті аталған ақпараттың шындыққа жанаспайтынын ресми түрде мәлімдеді. Ведомство мұндай құжаттар жібермегенін және тараған хабарламалардың Қазақстанның салық заңнамасына еш қатысы жоғын атап…

Қазақстанда 2026 жылғы 19 сәуірден бастап валюталық бақылау талаптары күшейтілді. Ұлттық банк валюталық операцияларды мониторингтеу ережелерін жаңартты, деп жазады Ertenmedia.kz. Енді Қазақстанда жұмыс істейтін банктер мен бейрезидент банктердің филиалдары валюталық операцияларға қатысты құжаттар, мәліметтер мен есептерді Ұлттық банкке тұрақты түрде тапсыруға міндетті. Банктер ай сайын аяқталған валюталық операциялар жөнінде есеп береді. Есепке шекті көлемге жеткен мәмілелер және шетел валютасын сатып алу мен сатуға байланысты жекелеген операциялар енгізіледі. Жеке тұлғалар бойынша 10 мың АҚШ долларына тең немесе одан жоғары көлемдегі операциялар, сондай-ақ қолма-қол ақшасыз түрде 1000 доллардан асатын валюта сатып алу және сату деректері көрсетіледі. Банктердің өз операциялары бойынша 50 мың…

Қазақстанда көмір генерациясын дамытуға арналған ұлттық жоба мақұлданды, деп жазады Ertenmedia.kz. Құжатта жаңа электр станцияларын салу және жұмыс істеп тұрған нысандарды экологиялық талаптарға сай жаңғырту көзделген. Негізгі мақсат қоршаған ортаға түсетін салмақты азайтып, көмір энергетикасының тиімділігін арттыру. Жаңа станциялар бу мен температураның аса жоғары критикалық параметрлері бойынша жұмыс істемек. Соның нәтижесінде электр энергиясын өндіру тиімділігі 5-6 пайызға өседі. Көмір шығыны қысқарып, зиянды шығарындылар көлемі де азаяды. Жоба аясында түтін газдарын тазартатын заманауи жабдық орнатылады. Атап айтқанда, шаң мен күлді ұстайтын электрофильтрлер мен қап сүзгілер, азот оксидтерін төмендететін селективті каталитикалық қалпына келтіру жүйелері, сондай-ақ күкірт қосылыстарын жоятын десульфурация қондырғылары енгізіледі. Сонымен…

Қазақстанда жеке тұрғын үй құрылысына арналған жер телімдерін беру үдерісі қайта жанданды, деп жазады Ertenmedia.kz. Енді азаматтардың өтініштері қайтадан қарала бастайды. Әңгіме бұрын әртүрлі себеппен тоқтап қалған жеке тұрғын үй құрылысына жер беру тетігінің қайта іске қосылуы туралы болып отыр. Ауыл шаруашылығы министрлігіне қарасты Жер ресурстарын басқару комитетінің мәліметінше, шектеулер алынғаннан кейін өтініш қабылдау қайта жолға қойылған. Жер беру ісінің ұзақ уақыт тежелуіне ең алдымен инфрақұрылым тапшылығы әсер етті. Қолданыстағы талап бойынша, су мен жарық желісі тартылмаған аумақта жер телімін беру мүмкін емес. Егер орталықтандырылған су жүйесі жоқ болса, кемінде электр желісі болуы шарт. Осындай талап орындалмайынша, жер бөлу рәсімі…

20 сәуір күні белсенділік пен байыптылықтың арасындағы тепе-теңдікпен өтеді. Көпшілік үшін жаңа мүмкіндік пен мұқият ойлануды қатар алып жүру маңызды болмақ. Негізгі назар жұмысқа, қаржыға және қарым-қатынасқа ауады. Маңызды әңгімелер, ұсыныстар мен алдағы уақытқа әсер ететін шешімдер тууы мүмкін, деп жазады Ertenmedia.kz. Тоқты белгісіндегілер үшін күн батыл қадам мен жаңа бастамаға ыңғайлы. Асығыс шешім қабылдамаған жөн, әсіресе қызметте. Күтпеген әңгіме көп мәселенің бетін ашуы ықтимал. Кешкі уақытты тынығуға арнаған дұрыс. Торпақтарға қаржылық жағдайды нығайтуға немесе тиімді келісімге келуге мүмкіндік туады. Істе сабыр мен ұсақ-түйекке мән беру көмектеседі. Жеке өмірде жағымды тосынсый болуы мүмкін. Болашақтағы ірі сатып алуды жоспарлауға қолайлы сәт.…

20 сәуірде Қазақстан аумағына жылы ауа массалары әсер етеді. Синоптиктердің болжамынша, елдің басым бөлігінде ауа температурасы көтеріледі. Соған қарамастан, күн райы толық тұрақтана қоймайды. Кей өңірде жаңбыр жауып, жел күшейеді, температура да құбылып тұрады, деп жазады Ertenmedia.kz. Солтүстік өңірлерде күндіз біршама жылиды, бірақ түн салқын болады. Күндіз ауа температурасы +14…+20 градусқа дейін көтерілсе, түнде +3…+8 градус шамасында сақталады. Қысқа мерзімді жаңбыр, екпінді жел және таңғы тұман болуы мүмкін. Орталық аймақтарда көктемгі жайлы ауа райы орнайды. Күндіз +17…+23 градус, түнде +5…+9 градус күтіледі. Кей жерде қысқа мерзімді жауын-шашын түсіп, желдің жылдамдығы секундына 9–14 метрге дейін жетуі ықтимал. Шығыс Қазақстанда салыстырмалы түрде…

Бүгін, 19 сәуірде Алматыда Almaty Half Marathon жартылай марафоны өтеді. Жарысқа әлемнің 44 елінен 10 мыңнан астам қатысушы жиналады, деп жазады Ertenmedia.kz. Іс-шараны «Бірінші болу – батылдық» корпоративтік қоры Алматы әкімдігінің қолдауымен ұйымдастыруда. Жарыс күнгі қауіпсіздік мақсатында қалада жол қозғалысы уақытша шектеледі: Әл-Фараби даңғылының солтүстік бөлігі (Розыбакиев – Мұстафин аралығы) 00:00-12:00 аралығында; Әл-Фараби даңғылының солтүстік бөлігі (Розыбакиев – Назарбаев даңғылы) 06:45-09:45 аралығында; Сейфуллин даңғылы (әл-Фарабиден Абайға дейін) 07:10-09:05 аралығында толық; Абай даңғылының оңтүстік бөлігі (Саин – Байтұрсынов аралығы) 08:50-11:15 аралығында; Абай даңғылының оңтүстік бөлігі (Сейфуллин – Байтұрсынов аралығы) 07:20-09:15 аралығында; Саин көшесінің шығыс бөлігі (әл-Фараби – Абай аралығы) 08:30-10:20 аралығында…

Депутат Еділ Жаңбыршин ит-мысықты қорғайтын белсенділерді қырылған төрт түлікке де назар аударуға шақырды, деп жазады Ertenmedia.kz. Ол өз жазбасында Маңғыстаудағы қатты жаңбырдан кейін Ақшымырау ауылы маңында мал ығып кетіп, сорға кіргенін айтты. Депутаттың айтуынша, сорға батып өлген және одан шыға алмай қалған жылқы көп. Еділ Жаңбыршиннің пікірінше, Төтенше жағдайлар министрлігі мен жергілікті билік шұғыл көмек көрсетпесе, ахуал одан әрі қиындай түсуі мүмкін. Сол себепті ол жауапты органдарды тез арада іске кірісуге үндеген. Сонымен бірге депутат зообелсенділерге де үн қатты. Оның ойынша, жануар құқығын қорғайтын топтар тек ит пен мысық мәселесімен шектелмей, табиғи апаттан зардап шеккен төрт түлікке де көңіл бөлуі…

Арман Дәулетяров балаларымен бірге Шотландияда өткізген студенттік каникул оның көңіліне ерекше ой салғанын айтып, ата-ана мен есейген ұрпақ арасындағы байланыс туралы толғанысын бөлісті, деп жазады Ertenmedia.kz. Оның айтуынша, бұл сапарда ең маңыздысы барған жердің көркі емес, балаларымен бірге өткізген уақыт болған. Қазір үлкен ұлдары Ясин 20 жаста, Аят 18-ге толған. Екеуі де университет студенттері, әртүрлі елде оқиды. Соған қарамастан, бәрінің басы қосылып, бірге уақыт өткізуге мүмкіндік туған. Арман Дәулетяровтың айтуынша, балалары қазір мүлде есейіп кеткен. Сол өзгерісті ол енді бұрынғыдай тек әкелік ақыл айтатын кезең ретінде қабылдамайтынын жасырмапты. Оның сөзінше, қазір балаларымен қарым-қатынас мүлде басқа арнаға ауысқан. Бұрын өзі үйретіп,…