Автор: Самал Жолжаксын

Қазақстан мен Вьетнам мәдени байланысты жаңа деңгейге көтеруге ниетті. Екі ел кино өндірісінен бастап креативті туризмге дейінгі бірнеше бағытта ортақ жобаларды қолға алуды талқылады, деп хабарлайды Ertenmedia.kz. Вьетнамда өтіп жатқан Қазақстанның мәдениет күндері аясында Премьер-министрдің орынбасары – Мәдениет және ақпарат министрі Аида Балаева Вьетнам Премьер-министрінің орынбасары Фам Тхи Тхань Чамен кездесті. Келіссөз барысында екі ел арасындағы мәдени-гуманитарлық байланысты кеңейту, шығармашылық индустрияны дамыту және жаңа туристік жобаларды іске қосу мүмкіндіктері сөз болды. Аида Балаева былтыр Қазақстан мен Вьетнам қарым-қатынасы стратегиялық әріптестік деңгейіне көтерілгенін атап өтті. Оның пікірінше, жаңа мәртебе саяси және экономикалық ынтымақтастықпен шектелмей, мәдени саладағы байланысты да тереңдетуге жол ашады.…

Президент Қасым-Жомарт Тоқаев Тамыз конференциясында қазақстандық жастарды торығу, сенімсіздік пен үнемі шағымданудан арылту мәселесін көтерді. Мемлекет басшысы ұстаздар жаңа буынды мұңға батқан күйде емес, қиындықты еңсеруге дайын оптимист әрі жеңімпаз етіп тәрбиелеуге тиіс екенін айтты, деп хабарлайды Ertenmedia.kz. Президенттің пікірінше, қадам жасауға қорқатын, өз күшіне сенбейтін және өміріне үздіксіз шағымданатын адам келешегін өзі тұйыққа тірейді. «Қадам жасаудан қорқып, өз күшіне сенбей, өмірге үнемі шағымданатын адам өзін бұлыңғыр болашаққа байлайды», – деді Қасым-Жомарт Тоқаев. Мемлекет басшысы жас ұрпақты рухани дерт пен теріс түсініктен қорғау бүкіл қоғамға ортақ міндет екенін атап өтті. Алайда осы жауапкершіліктің үлкен салмағы білім және ағарту жүйесіне түседі.…

Арменияның экс-президенті, Кремльмен тығыз байланысты жақтайтын оппозиция жетекшісі Роберт Кочарян сыбайлас жемқорлық ісі аясында ұсталды. Құқық қорғау органдары оның әулеті мен бизнесіне қатысы бар ондаған мекенжайда тінту жүргізіп, үлкен ұлы Седрак Кочарянды да қамауға алды, деп хабарлайды Ertenmedia.kz. Арменияның жемқорлыққа қарсы комитеті 25 тамызда жүргізілген операция барысында барлығы 6 адамның ұсталғанын ресми растады. Олардың қатарында елді 1998–2008 жылдары басқарған Роберт Кочарян мен оның үлкен ұлы Седрак бар. Тергеу бұрынғы президент лауазымдық өкілетін теріс пайдаланып, мемлекетке тиесілі құнды мүлікті жалған негіздермен жеке меншікке шығарды деп отыр. Қоғамдық және экономикалық маңызы бар нысандар Кочарянның өзіне, жақындарына немесе солармен байланысты компанияларға нарық бағасынан…

Kaspi.kz Қазақстан Республикасының Еңбек және халықты әлеуметтік қорғау министрлігімен бірлесіп жаңа цифрлық сервисті іске қосты деп жазады Ertenmedia.kz. Енді болашақ аналар жүктілікке және босануға байланысты төлемдерге өтінімді Kaspi.kz мобильді қосымшасындағы «Мемлекеттік қызметтер» сервисі арқылы беріп, төлемдерді ала алады. Бұған дейін бұл үшін ХҚКО-ға барып, құжаттарды тапсырып, кезек күту қажет болатын. Енді өтінімді смартфон арқылы Kaspi.kz суперқосымшасында оңай әрі жылдам беруге болады. Михаил Ломтадзе, Kaspi.kz басшысы әрі негізін қалаушылардың бірі: «Біз сүйікті клиенттеріміздің өмірін жақсартатын сервистер жасағанды жақсы көреміз. Әсіресе отбасыларға өміріндегі ең маңызды сәттерде көмектесетін осындай сервистермен жұмыс істеу біз үшін ерекше қуаныш. Kaspi.kz арқылы қазірдің өзінде баланың туу туралы…

Сайлау науқаны қызған сайын партиялардың бағдарламасынан бөлек, ішкі алауыздығы, кадрлық шешімі мен сәтсіз мәлімдемесі де таразыға түсіп жатыр. Саясаттанушы Талғат Қалиев «Байтақ», Respublica және Қазақстан халық партиясын қазіргі науқанның ықтимал аутсайдерлері қатарына қосты, деп хабарлайды Ertenmedia.kz. Сарапшының пайымдауынша, фавориттерді бағалаудың мәні шамалы. Өйткені табысты науқандардың ортақ сипаты көп болғанымен, сәтсіздікке ұшыраған әр кампанияның өз себебі бар. «Классиктің сөзін сәл өзгертсек, табысты науқандар бір-біріне ұқсайды, ал сәтсіз науқандардың әрқайсысы өзінше сәтсіз», – дейді Қалиев. «Байтақтың» бастауындағы төбелес Саясаттанушы «Байтақ» партиясының науқаны жанжалдан басталғанына назар аударды. Партия съезінде бір топ қатысушы көшбасшыны қайта сайлау мәселесін күн тәртібіне енгізуге әрекет жасаған. Алайда пікірталас…

«ҚазМұнайГаз» 2026 жылдың алғашқы жартысында 904 млрд теңге таза пайда тапты. Ұлттық компанияның табысы былтырғы сәйкес кезеңмен салыстырғанда 69 пайызға өскен. Экономист Расұл Рысмамбетов мұны технологиялық серпілістен гөрі мұнай нарығындағы қолайлы ахуалды ұтымды пайдаланудың нәтижесі деп бағалады, деп хабарлайды Ertenmedia.kz. Компанияның алты айлық кірісі 23,7 пайызға өсіп, 5,57 трлн теңгеге жеткен. Еркін ақша ағыны 750 млрд теңгеден асып отыр. Қаржылық есеп халықаралық стандарттар бойынша әзірленіп, PwC аудиторларының тексеруінен өткен. Рысмамбетов ұлттық компанияларды жиі сынайтынын жасырмайды. Алайда ҚМГ-ның қазіргі қаржылық нәтижесін атап өтіп, ел қазынасын асырап отырған мұнай алыбына лайықты бағасын беру керек деп санайды. ҚМГ желкеніне жел қайдан соқты Экономист…

Оңтүстік Кореяда ресми жұмыс істеуді көздеген қазақстандықтарға қойылатын негізгі талаптар белгілі болды. Үміткер 18 бен 39 жас аралығында болуы, корей тілінен сынақ тапсырып, кәсіби бағалау мен медициналық тексеруден өтуі керек, деп хабарлайды Ertenmedia.kz. Еңбек және халықты әлеуметтік қорғау министрлігінің мәліметінше, азаматтарды практикалық іріктеу Алматыда арнайы EPS орталығы ашылғаннан кейін басталады. Қазақстаннан алғашқы жұмысшыларды Оңтүстік Кореяға 2028 жылдан бастап жіберу жоспарланып отыр. Сондықтан дәл қазір құжат қабылдау да, кандидаттарды тіркеу де басталған жоқ. Кімдер іріктеуге қатыса алады Оңтүстік Кореяға жұмысқа барғысы келетін азамат мына талаптарға сай болуы қажет: жасы 18-ден 39-ға дейін болуы; соттылығы болмауы; Қазақстаннан шығуына шектеу қойылмауы; Оңтүстік Кореяға…

Украина билігі балалар арасында кең тараған «Маша мен аю» мультсериалына қатысты қатаң шешім қабылдады. Владимир Зеленский жобаны өндіруге және таратуға қатысы бар бес Ресей азаматы мен төрт ұйымға санкция енгізу туралы жарлыққа қол қойды, деп хабарлайды Ertenmedia.kz. Киевтің пайымдауынша, мультсериал балаларға арналған көңіл көтеретін өнім кейпінде ресейшіл ұстанымдарды насихаттауға пайдаланылып отыр. Шектеу тізіміне «Маша мен аюды» шығарған «Анимаккорд» студиясы, оның негізін қалаушы әрі бас директоры, сценарий авторы, режиссері мен продюсері, мультфильмнің бірлескен авторы және құқық иесі енген. Украина билігі санкцияға іліккен азаматтардың бірін Ресей бюджетіне әлі де қаражат аударып отыр деп айыптады. Алайда оның аты мен аударылған қаржы көлемі жарияланған…

Қазақстанның сыртқы саясатынан Нұрсұлтан Назарбаевтың ерекше мәртебесін бекіткен тағы бір норма алынып тасталды. Экс-елбасының сыртқы саясаттағы маңызды мәселелер бойынша халыққа, мемлекеттік органдар мен лауазымды тұлғаларға өмір бойы бастама жолдау құқығы енді ресми тұжырымдамада жоқ, деп хабарлайды Ertenmedia.kz. Президент Тоқаев 2020 жылғы 6 наурызда қабылданған Қазақстанның 2020–2030 жылдарға арналған сыртқы саясат тұжырымдамасына өзгеріс енгізу туралы жарлыққа қол қойды. Құжат «Әділет» ақпараттық-құқықтық жүйесінде жарияланды. Бұрын тұжырымдаманың «Сыртқы саясатты іске асыру құралдары» бөлімінде мынадай нормы болған: «Қазақстан Республикасының Тұңғыш Президенті – Елбасы туралы» Конституциялық заңға сәйкес, Қазақстан Республикасының Тұңғыш Президенті – Елбасыға тарихи миссиясына байланысты сыртқы саясаттың аса маңызды мәселелері жөнінде Қазақстан халқына,…

Қазақстанның Қашаған кен орнына қатысты халықаралық арбитражда көтерген 10,7 миллиард долларлық талабы Назарбаев дәуіріндегі мұнай келісімдерін қайтадан күн тәртібіне шығарды. Саясаткер Қазыбек Бейсебаев мемлекет байлығын бөліске салған құжаттардың қалай бекітілгенін қоғамнан жасырмай тексеріп, экс-президенттен жауап алатын уақыт жетті деп мәлімдеді, деп хабарлайды Ertenmedia.kz. Айта кетелік, әзір Астана Қашаған жобасының шетелдік қатысушыларымен халықаралық арбитражда дауласып жатыр. Шатақ шарттардың жалпы құны 10 миллиард доллардан асып жығылады. Сот әзірге түпкілікті шешім шығарған жоқ. Қашағандағы өнімді бөлу туралы негізгі келісім 1997 жылы жасалып, 2008 жылы оған елеулі өзгеріс енгізілген. Шарт бойынша инвесторлар өндіріске жұмсаған шығынын алдымен мұнай есебінен өтейді, содан кейін ғана табыс мемлекетпен…