Автор: Самал Жолжаксын

Қазақстанда алғаш рет енгелі отырған вице-президент лауазымының нақты өкілеті мен міндеті белгілі болды. Әділет министрі Ерлан Сәрсембаев лауазымның нақты шекарасын айқындап берді, деп хабарлайды Ertenmedia.kz. Жаңа заң жобасында президенттің мәртебесі, қызметке тағайындалу тәртібі, оның мерзімі мен өкілетіне қатысты ескі ережелер cақталыпты. Президент бір мәрте 7 жылға ғана сайланады. Ұл-қызы, ағайын-туыстары саяси қызметке тағайындала алмайды және ешбір партияның сойылын соқпайды. Министрдің сөзінше, заң жобасында ерекше екпін берілген мәселе – вице-президент креслосы. Ол тек Тоқаевтың тапсырмасымен жұмыс істеп, оның мүддесін қорғайтын тұлға болады. Вице-президентті президент Құрылтай мақұлдауымен тағайындайды. Оның нақты өкілеттігін тек президент қана арнайы жарлықпен бекітеді. «Вице-президенттің негізгі миссиясы мемлекеттің тұрақты…

Қызылорда облысының жаңа әкімі болып Мұрат Ергешбаев тағайындалды. Тиісті жарлыққа Президент Қасым-Жомарт Тоқаев қол қойды, деп хабарлайды Ertenmedia.kz. Мұрат Ергешбаев Сыр өңірінің тумасы, әр жылдары Қызылорда облысының бірқатар аудандарын басқарған. 2008-2010 жылдары Қызылорда қаласының әкімі қызметін атқарған. Соңғы қызметі Парламент Мәжілісінің депутаты. Еске сала кетсек, бұған дейін облысты басқарған Нұрлыбек Нәлібаев Премьер-министрдің бірінші орынбасары қызметіне ауысқан болатын. Бұған дейін Ertenmedia-ның тұрақты сарапшысы Айбар Олжай Нәлібаевтың жұмысына оң баға беріп, Үкіметтегі «Қызылорда моделі» бүкіл елге тарауы мүмкін деген еді. «Нәлібаевтың Қызылорда облысындағы соңғы жылдардағы қызметіне көз жүгіртсек, нақты нәтиже, айқын көрсеткіштерді байқаймыз. Ол шаруаның адамы екендігін өңірдегі атқарылған жұмыстармен көрсете білді»,…

Соңғы күндері биліктің жоғарғы эшелонында орын алған ауыс-түйіс қоғамда қызу талқыланып жатыр. Бүгін Нұрлыбек Нәлібаев премьер-министрдің бірінші орынбасары қызметіне тағайындалса, Президент әкімшілігін басқаруға Роман Скляр келді. Бұрын осы қызметте болған Айбек Дәдебай қызметінен босатылды. Депутат Ермұрат Бапи осы ауыс-түйістерге қатысты өз пайымын айтты, деп хабарлайды Ertenmedia.kz. Оның пікірінше, мұндай кадрлық шешімдер биліктің ішкі ахуалында, әсіресе кадр саясаты саласында қордаланған мәселелердің көрінісі болуы мүмкін. Сөзінше, кадр мәселесіне қатысты меморгандарда белгілі бір деңгейде наразылық туындап, соның салдарынан осындай кенеттен ауыс-түйіс орын алып отыр. «Соңғы кезде кадр саясаты саласында, әсіресе жоғары билік деңгейінде ішкі наразылықтар байқала бастады. Алдымызда мейрамдар тұр. Екі мейрам арасында…

Нұрлыбек Нәлібаевтың Премьер-министрдің бірінші орынбасары қызметіне тағайындалуы қоғам тарапынан қызу талқыланып жатыр. Танымал сарапшы Айбар Олжай тағайындаудың астарында мемлекеттік басқарудағы нақты жұмыс пен іскерлікке берілген баға жатқанын айтады. Оның пікірінше, бұл билік басындағы құр сөзден нақты нәтижеге көшудің белгісі деп хабарлайды Ertenmedia.kz. Қазақта ерекше сипатқа ие «шаруаның адамы» деген ұғым бар. Осы бір ұғымның салмағы ауыр. «Шаруаның адамы» деген аз сөйлеп, көп іс тындыратын, берген уәдесін есеппен емес, халық көретін нақты іспен дәлелдейтін тұлға. Айбар Олжайдың айтуынша, Нұрлыбек Нәлібаев дәл осы сипатқа толық сай келеді. «Нәлібаевтың Қызылорда облысындағы соңғы жылдардағы қызметіне көз жүгіртсек, нақты нәтиже, айқын көрсеткіштерді байқаймыз. Ол шаруаның…

Қазақстанда декреттік және жұмыссыздық бойынша әлеуметтік төлемдер жүйесіне тағы өзгеріс енгізіледі. Алдағы уақытта декреттік төлем алғысы келетіндер табысын растайтын қосымша құжаттар ұсынуы тиіс. Шара жалған құжат жасап, бюджет қаржысын заңсыз иемденуді азайту мақсатында қолға алынбақ, деп хабарлайды Ertenmedia.kz. Жақын арада декреттік төлем алғысы келетін азаматтарға табысын нақты растайтын қосымша құжаттар талап етіледі. Бұған дейінгі төлемдерді алу тәртібіне де бірнеше рет өзгерістер енгізіліп, төлемнің жоғарғы шегіне лимиттер қойылған болатын. Жаңа талап бойынша енді азаматтар табысын растау үшін келесі құжаттарды ұсынуы қажет болуы мүмкін: Бақылау-кассалық аппараттардың (БКА) чектері немесе арнайы мобильді қосымша арқылы жүргізілген төлемдер туралы ақпарат. Әлеуметтік салық пен медициналық сақтандыру…

Роман Скляр Қазақстан Республикасы Президенті Әкімшілігінің басшысы болып тағайындалды, деп хабарлайды Ertenmedia.kz. Тиісті жарлыққа Мемлекет басшысы Қасым-Жомарт Тоқаев 5 мамырда қол қойды. Осы қызметті атқарған Айбек Дәдебай басқа жұмысқа ауысуына байланысты Президент Әкімшілігінің басшысы лауазымынан босатылды. Оның нақты қай қызметке баратыны әзірге ресми хабарланған жоқ. Роман Скляр бұған дейін бірінші вице-премьер қызметін атқарды. 2024 жылғы ақпанда Үкімет отставкаға кеткен кезде оған уақытша премьер-министр міндеті жүктелген. Кейін ол қайтадан бірінші вице-премьер болып тағайындалды. Үкіметте индустрия, инфрақұрылым, көлік, инвестициялық жобалар және нақты секторға жақын бағыттармен айналысқан технократ ретінде танылды. Мемлекет басшысы биыл Үкіметтің кеңейтілген отырысында Инвестициялық штабтың жұмысына тоқталып, оның тиімді қызметін Роман…

Катонқарағайға баратын жолдың өзі ерекше. Алыстан мұнартып көрінген асқар таулар, самал желмен тербелген жасыл алқаптар, мөлдір өзендер мен ну орман бұл өңірдің табиғатын сөзбен жеткізе алмассың.  Ertenmedia.kz «Шығыс шақырады» бағдарламасының нақты нәтижесін көзбен көру үшін өңірдің шырайлы мекеніне арнайы ат басын бұрған белгілі журналист Қуаныш Рахметолланың репортажын оқырман назарына ұсынады. Соңғы жылдары оңтүстік өңірлерден Шығыс Қазақстанға қоныс аударушылардың қатары көбейіп келеді. Мемлекет тарапынан көрсетілетін қолдау, тұрақты жұмыс пен баспана мәселесінің шешімі көптеген отбасылардың таңдауына әсер етіп отыр. «Бірақ кез келген статистиканың артында адам тағдыры тұрады. Біз барған үйдің иелері де сондай жандардың бірі еді», — дейді журналист. Әрі қарайғы әңгімені…

Тележүргізуші Дана Нұржігіт актриса Меруерт Өтекешованың журналист Майя Бекбаеваға берген сұхбатын көріп, жан тебірентер пікірін білдірді деп хабарлайды Ertenmedia.kz. Дана Нұржігіт фильмді түнгі төртте көріп, таңға дейін көз іле алмай, көз жасына ерік бергенін жазды. Тележүргізушінің айтуынша, бала кезінде «Қыз Жібектің» бейнесіне ерекше ғашық болып, тіпті оның суреті бар күнтізбені жастанып ұйықтаған екен. «Қыз Жібектің киноэкрандағы ғажап бейнесі менің балалық шағымның ең бір қымбат естелігі еді. Оның өміріндегі қиындықтар туралы кейде құлағыма шалынып қалса да, ешқашан сұрауға батылым жетпеген. Ал енді бұл сұхбат мені терең күйзеліске түсірді. Осындай періште бейнесі бар адам неге өмірдің ауыр сынақтарына тап болды екен? Ол…

Қазақстанда Дюшенн бұлшықет дистрофиясын емдейтін дәрілерді сатып алу кезінде ірі алаяқтық әрекет әшкереленді. Бес жыл бойы жалғасқан заңсыз схема мемлекетке 3,7 млрд теңге зиян келтірген. Қазір тергеу аяқталып, іс сотқа жіберілуде деп хабарлайды Ertenmedia.kz. Қаржы мониторингі агенттігінің (ҚМА) хабарлауынша, «Интерфармсервис» ЖШС Қазақстан аумағындағы дәрілердің жалғыз ресми дистрибьюторы болған. Компания бес жыл бойы медициналық мекемелерге дәрі-дәрмек жеткізіп тұрған. Өндіруші компания препараттардың шекті бағасын бекітіп қойғанымен, «Интерфармсервис» басшылығы бағаны жасанды түрде көтерудің заңсыз тәсілін тапқан. Олар жеткізу тізбегіне Біріккен Араб Әмірліктерінде тіркелген компанияны енгізіп, жалған мәмілелер жасап отырған. Осы арқылы препараттардың түпкілікті бағасы бірнеше есе қымбаттатылып, нақты өзіндік құны жасырылған. Ақшаның қалай…

Қазақстанда мобильді аударымдардың барлығы бірдей салық органдарының бақылауына түспейді. Мемкірістер мамандары қандай аударымдардың тексерілуі мүмкін екенін нақтылап берді, деп хабарлайды Ertenmedia.kz. Қаржы министрлігі Мемлекеттік кірістер комитетінің басқарма басшысы Дина Құсайынованың айтуынша, жеке аударымдарды тексерудің нақты бекітілген шарттары бар: Физикалық тұлға үш ай қатарынан әрбір айда 100 және одан да көп адамнан аударым алса; Бұл үш айдағы аударымдардың жалпы сомасы ең төменгі жалақының 12 еселенген мөлшерінен асып кетсе (шамамен 1 млн теңгеден жоғары). Тек осы екі шарт бір мезгілде орындалған жағдайда ғана банктер аударым туралы мәліметтерді салық органдарына жолдайды. Банк қандай негізде деректерді береді? «Банктердің салық органдарымен өзара іс-қимылы заңмен реттелген.…