Автор: Нұрлан Жұмахан

Қара теңіздегі Каспий құбыр консорциумының терминалында мұнай тиеліп жатқан NELSA танкеріне ұшқышсыз аппарат соққы жасады. Жүк тиеу тоқтатылып, 22 адамнан тұратын халықаралық экипаж қауіпсіз жерге көшірілді, – деп жазады Ertenmedia.kz. Дрон танкердің оң жақ артқы бөлігіне, қондырма мен машина-қазандық бөлімінің арасына түскен. Соққыдан кейін кеменің палубасы мен ішкі бөліктерінде өрт шықты. Жалын бірнеше сағат ішінде танкердің тиеу бригадасы мен консорциумның жедел құтқару топтарының күшімен сөндірілді. Өртті жүк сақталатын резервуарларға жеткізбеу мүмкін болды. Мұнай теңізге төгілген жоқ, танкер де суға батпай, қалқып тұр. Қазір мамандар кеменің техникалық жағдайы мен келтірілген зақымды бағалап жатыр. Экипаж мүшелері Каспий құбыр консорциумының сүйреткіш кемелерімен эвакуацияланды.…

Экран алдындағы тактика мен спорт алаңындағы шеберлікті бір нәтижеге біріктіретін фиджитал жарыстары әлемдік спорттың жаңа бағытына айналып келеді. Оның ауқымын Астана қаласында 29 шілде мен 9 тамыз аралығында өтетін «Болашақ ойындары – 2026» халықаралық турнирі көрсетеді, – деп жазады Ertenmedia.kz. «Болашақ ойындары» дегенде көпшіліктің ойына алдымен Dota 2, PUBG немесе Mobile Legends секілді киберспорт ойындары түседі. Алайда турнирдің басты ерекшелігі виртуалды сайыспен шектелмейді. Мұнда экрандағы тартыс нақты алаңдағы спорт бәсекесімен жалғасады. Фиджитал атауы ағылшын тіліндегі physical және digital сөздерінің бірігуінен шыққан. Спортшылар әуелі белгілі бір спорттың цифрлық нұсқасында сынға түсіп, кейін сол бәсекені шынайы алаңда жалғастырады. Жеңімпаз екі кезеңде жиналған…

Қазақстанда цифрлық кеңістік пен жасанды интеллектті дамыту жылы аясында киберқауіпсіздік, дербес деректерді қорғау және телекоммуникация саласын жаңғыртуға бағытталған ауқымды заңнамалық өзгерістер қабылданды. Жаңа талаптар мемлекеттік жүйелермен қатар, азаматтардың мәліметін жинайтын жеке компаниялардың да жауапкершілігін күшейтеді, – деп жазады Ertenmedia.kz. Елде алғаш рет цифрлық инфрақұрылымды қорғаудың бірыңғай құқықтық негізі қалыптастырылды. «Цифрлық кодекс» пен киберқауіпсіздік саласындағы жаңа нормалар аса маңызды ақпараттық жүйелерді қорғау тәртібін нақтылады. Стратегиялық цифрлық нысандарды бақылауда Ұлттық қауіпсіздік комитетінің өкілеттігі кеңейтілді. Еңбек заңнамасына жұмыс беруші мен жұмыскердің кибермәдениет талаптарын сақтау міндеті енгізілді. Мемлекеттік қызметшілер мен аса маңызды инфрақұрылымда еңбек ететін мамандар жыл сайын арнайы оқытудан өтуге тиіс. Негізгі цифрлық…

Шығыс Қазақстанда 2026 жылы 630 шақырым автомобиль жолы мен елді мекен көшесін жөндеу жоспарланған. Ауқымды жұмыс тұрғындардың қауіпсіз қозғалысын қамтамасыз етіп, туристік және экономикалық бағыттардың қолжетімділігін арттыруға тиіс, – деп жазады Ertenmedia.kz. Өңірдегі республикалық, облыстық және аудандық маңызы бар жолдардың жалпы ұзындығы 5,2 мың шақырымды құрайды. Оған елді мекендердегі 5,4 мың шақырым көше желісін қосқанда, облыстың жол инфрақұрылымы 10,6 мың шақырымға жетеді. Биыл саланы дамытуға 56,9 миллиард теңге бағытталған. Жөндеу жұмысының 330 шақырымы республикалық тасжолдарға тиесілі. Жергілікті жолдар мен елді мекен көшелерінің 300 шақырымнан астам бөлігі жаңартылады. Қазіргі уақытта облыстық және аудандық жолдардың 94 пайызы, республикалық бағыттардың 87 пайызы нормативтік…

Жетісу облысындағы Алакөл жағалауында шағын көлемді кемелерді пайдалану тәртібін бұзған азаматтарға 109 әкімшілік жаза қолданылды. Қауіпсіздік талаптарын сақтамағандарға салынған айыппұл көлемі 1 миллион 654 мың теңгеден асты, – деп жазады Ertenmedia.kz. Жазғы маусым басталған 15 мамырдан бері Төтенше жағдайлар департаментінің қызметкерлері жауапты органдармен бірге 90 күндізгі және 62 түнгі рейд өткізген. Тексеру кезінде шағын кемелердің құжаты, техникалық жағдайы және жолаушылар қауіпсіздігі назарға алынған. Заң бұзғандарға әкімшілік хаттама толтырылды. Көп жағдайда кеменің борт нөмірі болмаған немесе белгіленген мөлшерден артық жолаушы тасымалданған. Құтқару жилетінің жоқтығы, кеме билетінсіз жүзу және навигациялық белгілерді елемеу деректері де анықталды. Жетісу облыстық ТЖД бастығы Қанат Алтынбеков қауіпсіздік…

Алматыда кезекте тұрған азаматтарға жалдамалы тұрғын үй бөлудің кезекті кезеңі басталды. Отбасы банк пәтер алу мүмкіндігі туған үміткерлерге 1414 нөмірінен SMS-хабарлама жолдап жатыр, – деп жазады Ertenmedia.kz. Жаңа кезеңде алдыңғы үлестіруден қалған 300 пәтер ұсынылады. Бұған дейін 816 жалдамалы баспана кезекте тұрған азаматтарға берілген. Қалған пәтер электронды кезек тәртібімен келесі үміткерлерге бөлінеді. Хабарлама алған азамат orken.otbasybank.kz порталына кіріп, жеке кабинетін тексеруі қажет. Жүйеде кезектің келгені және пәтердің бөлінгені жөніндегі ақпарат көрсетіледі. Одан кейін міндетті түгендеу рәсімінен өту керек. Түгендеу аяқталған соң үміткер ұсынылған баспананы қабылдау немесе одан бас тарту жөнінде шешім қабылдайды. Жауап беруге тура бес жұмыс күні беріледі. Белгіленген…

Бүгін Орталық сайлау комиссиясы «Әділет» партиясының Құрылтай депутаттарының сайлауына арналған партиялық тізімін ресми түрде тіркеді, – деп жазады Ertenmedia.kz. Партия ұсынған тізімге барлығы 186 кандидат енді. Олардың қатарында заңгерлер, ғалымдар, кәсіпкерлер, сондай-ақ білім беру, денсаулық сақтау, цифрландыру, ауыл шаруашылығы, өнеркәсіп, мәдениет және қоғамдық сала өкілдері бар. Кандидаттардың орташа жасы – 45. Естеріңізге сала кетейік, жалпы, бірпалаталы парламент құру идеясы алғаш рет Мемлекет басшысы Қасым-Жомарт Тоқаевтың 2025 жылғы 8 қыркүйектегі Қазақстан халқына Жолдауында жария етілді. «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты құжатта Президент парламенттік жүйені жаңғырту қажеттігіне тоқталды. Мемлекет басшысы бұл мәселенің еліміздің саяси…

Алматы облысындағы Қайыңды көліне апаратын аудандық маңызы бар жаңа автомобиль жолы тамыз айында пайдалануға беріледі. Құрылыс аяқталған соң табиғи нысанға қатынау жеңілдеп, туристер межелі жерге қауіпсіз әрі жылдам жете алады, – деп жазады Ertenmedia.kz. Қазір өрге қарай созылған ойлы-қырлы бағыт толық тегістеліп, негізгі дайындық жұмыстары аяқталды. Жолға асфальт төсеу қарқынды жүріп жатыр. Бүгінге дейін 2,5 шақырым жолға асфальт төселді. Жоба аясында жол бойына жоспарланған 42 су өткізгіш құбырдың барлығы орнатылды. Бұл нысандар жауын-шашын мен еріген қар суын өткізіп, жол қабатының бұзылуына жол бермеуге тиіс. Құбыр орнату жұмысы жүз пайыз орындалған. Жолдың жалпы ұзындығы 10 шақырымды құрайды. Құрылыс өткен жылдың қазан…

АҚШ президенті Дональд Трамп Израиль Премьер-министрі Биньямин Нетаньяху Америка аумағында болған кезде ешқандай жағдайда тұтқындалмайтынын мәлімдеді. Оның сөзі Нью-Йорк мэрі Зохран Мамданидің Израиль басшысын қамауға алу мүмкіндігін қарастырып жатқаны туралы пікірінен кейін айтылды, – деп жазады Ertenmedia.kz. Мамдани Нетаньяху қыркүйекте БҰҰ Бас Ассамблеясының сессиясына келсе, Халықаралық қылмыстық соттың ордерін орындаудың құқықтық жолын іздейтінін айтқан. Алайда ол қала билігінің мұндай өкілеттігі бар екеніне сенімді еместігін мойындады. Қазір Нью-Йорк әкімшілігінің заңгерлері мәселені зерттеп жатыр. Трамп Truth Social желісіндегі жазбасында Нетаньяху АҚШ-та жүргенде «ешқандай жағдайда тұтқындалмайтынын» кесіп айтты. Америка басшысы Израиль Премьер-министрін Иранға қарсы күрес жүргізіп жатқан одақтас ретінде қорғады. Ол Нетаньяхуды емес,…

Мемлекеттегі ешбір ірі іс өздігінен жүзеге аспайды. Елдің күнделікті тіршілігін қамтамасыз етіп отырған жолдардың салынуы, жаңа бағыттардың ашылуы мен ескі магистральдардың жаңаруының артында жүйелі мемлекеттік саясат және Президент Қасым-Жомарт Тоқаевтың стратегиялық ұстанымы тұр, – деп жазады Ertenmedia.kz. «Жолдың жайын жүрген білер» дейді қазақ. Аймақтарды жиі аралайтындықтан, бір айдың жиырма күнін сапарда өткізетін кезім аз емес. Сондықтан елдегі жол сапасының қалай өзгеріп жатқанын әр сапар сайын көзбен көріп, көңілге түйіп жүрмін. Былтыр Батыс Қазақстан облысына бірнеше мәрте ат басын бұрдым. Бұрын Орал қаласынан Сырым ауданының орталығы Жымпитыға дейін жетуге үш сағаттай уақыт кететін. Қазір жол жөнделіп, осы қашықтықты бір-бір жарым сағат…