Автор: Нұрлан Жұмахан

Қазақстанда Li Auto, Omoda және Jaecoo маркалы автомобильдер шығару жоспарланып отыр. Сонымен қатар жүргізушісіз жүретін Sitrak ершікті тартқыштарын құрастыру және BYD компаниясымен бірге жылдам қуаттау станцияларын дамыту көзделген, – деп жазады Ertenmedia.kz. Өнеркәсіп және құрылыс министрі Ерсайын Нағаспаев жаңа жобалар Президенттің Қытайға мемлекеттік сапары кезінде жасалған келісімдер аясында іске асатынын айтты. Жеңіл және коммерциялық көлік өндірісін кеңейту жұмысы 2028 жылға дейін жалғасады. Жобалар Қазақстанның машина жасау саласындағы өндірістік қуатын арттыруға бағытталған. Жоспардағы ең маңызды бағыттың бірі – Li Auto, Omoda және Jaecoo көліктерін ел аумағында құрастыру. Қытайлық маркалардың келуі отандық зауыттардағы модель қатарын кеңейтіп, жаңа технологияны игеруге мүмкіндік береді. Өндірістің…

Жамбыл облысында жеке сот орындаушысы құны 1 миллиард теңгеге бағаланған мәрмәр кен орнын 45 миллион теңгеге сатып жібергені жөнінде ақпарат тарады. Бұл туралы журналист Михаил Козачков Kozachkov offside арнасында хабарлады, – деп жазады Ertenmedia.kz. Миллиард тұратын активтің бағасы қалайша 45 миллион теңгеге дейін «арықтап» қалғаны түсініксіз болып тұр. Қарапайым азаматтың шағын қарызы болса, үйі мен есепшоты түгел тексеріледі. Ал тұтас кен орны сатылғанда, нарықтық баға аяқ астынан қарапайым пәтердің құнына түсіп кетеді. Қызық. Мұндай сауда «Ескі Қазақстанның» кезінде жиі өтіп тұратын еді. Сол кесел әлі жоғалмаған секілді. Заң бар, рәсім бар, тек әділет пен экономикалық логика көрінбейтін осындай келсімдер елді…

«Ахуал Сегодня» жобасының авторы, блогер Азамат Омаровтың ұсталғаны туралы ақпарат тарады. Бұл жөнінде журналист Михаил Козачков өзінің Kozachkov offside арнасында хабарлады, – деп жазады Ertenmedia.kz. Алдын ала мәлімет бойынша, Азамат Омаров Қылмыстық кодекстің 174-бабы аясындағы іс бойынша күдікке ілінген. Аталған бап әлеуметтік, ұлттық, рулық, нәсілдік, тектік-топтық немесе діни алауыздықты қоздыру әрекеттеріне қатысты жауапкершілікті қарастырады. Кей деректе блогердің екі айға қамауға алынғаны айтылған. Әзірге құқық қорғау органдары істің мән-жайы, күдікке негіз болған материал және қолданылған бұлтартпау шарасы жөнінде ресми мәлімет жариялаған жоқ. Азамат Омаровтың өзі немесе оның қорғаушылары тарапынан да толық түсініктеме берілмеді. Сондықтан тараған ақпарат ресми органдардың мәлімдемесінен кейін нақтылануға…

Иранның сыртқы істер министрі Аббас Аракчи Түркия Ирактың солтүстігіндегі қарулы топтардың Иран аумағына өтуіне жол бермей, елді бөлшектеуге бағытталған сценарийді тоқтатуға көмектескенін мәлімдеді. Оның айтуынша, Анкараның жедел дипломатиялық әрекеті аймақтық соғыстың жаңа майданға ұласуына кедергі болды, – деп жазады Ertenmedia.kz. Аббас Аракчи 40 күндік соғысқа арналған бейнеконференцияда қақтығыстың төртінші күні АҚШ президенті Дональд Трамп Ирактың солтүстігіндегі бірқатар қарулы топтың жетекшілерімен байланысқанын айтты. Иран министрінің мәлімдеуінше, Вашингтон олардың Иранға құрлық арқылы кіру ықтималдығын қолдаған. АҚШ әкімшілігінің Иран мен Ирактағы күрд топтарымен байланыс орнатқаны туралы бұған дейін де жазылған. The Washington Post пен Financial Times дерегінше, Вашингтон Иран билігіне қарсы күрд жасақтарын…

Қазақстанның басым бөлігінде 20 шілде күні найзағай, бұршақ, нөсер жаңбыр және екпінді жел күтіледі. Оңтүстік пен шығыста аптап ыстық сақталып, бірқатар өңірде төтенше өрт қаупі жарияланды, – деп жазады Ertenmedia.kz. Астанада кей уақытта жаңбыр жауып, найзағай ойнайды. Ақмола облысының кей аумағында жауын қатты болып, бұршақ пен дауыл күтіледі. Желдің екпіні секундына 23 метрге дейін жетіп, түнде және таңертең тұман түсуі ықтимал. Көкшетауда да жаңбыр жауып, найзағай ойнайды. Солтүстік Қазақстан облысында күндіз бұршақ пен дауыл болуы мүмкін. Петропавлда түнде және таңертең тұман түсіп, өңірде жоғары өрт қаупі сақталады. Қостанай облысында жаңбыр мен найзағай күтіледі. Күндіз кей жерде нөсер жауып, бұршақ түсіп,…

Қазақстандық жас триатлоншылар Румынияның Изворани қаласында өткен Еуропа кубогының кезеңін екі жүлдемен аяқтады. Диана Ержанова жеке жарыста алтын алса, ұлттық құрама аралас эстафетада күміс жүлдеге ие болды, – деп жазады Ertenmedia.kz. Қазақстан құрамасы сапында Диана Ержанова, Алуа Нұрмұхамет, Калерия Шнейдер, Аида Ким, Арсений Шевченко және Алхам Мұрат өнер көрсетті. Жарысқа Еуропа мен өзге құрлықтан келген мықты жас спортшылар қатысты. Қазақстандықтар жоғары бәсеке жағдайында тұрақты нәтиже көрсетті. Турнирдің басты жетістігі Диана Ержанованың жеңісі болды. Ол 400 метр жүзу, 11,5 шақырым веложарыс және 2,5 шақырым жүгіруден тұратын қашықтықты 35 минут 41 секундта еңсерді. Қазақстандық спортшы Румыния өкілі Тунде Джорджиана Кришанды жеті секундқа…

Баянауылда Vizit Bayanaul «Сарыарқа сыры» заманауи визит-орталығы ашылып, курорттық аймақтың туристік инфрақұрылымы жаңа нысанмен толықты. Жоба өңірдің табиғи, тарихи және мәдени мұрасын заманауи технология арқылы таныстыруға бағытталған, – деп жазады Ertenmedia.kz. Баянауыл Қазақстандағы жетекші туристік орталықтардың бірі ретіндегі мәртебесін нығайтып келеді. Инфрақұрылымды ауқымды жаңғырту нәтижесінде биыл курорттық аймақ бір маусымда 300 мыңға дейін турист қабылдай алады. Жаңа визит-орталық осы бағыттағы негізгі жобаның бірі саналады. Нысанның салтанатты ашылуына Павлодар облысының әкімі Асайын Байханов қатысты. Өңір басшысы туризмді дамыту мемлекеттік саясаттың басым бағытына айналғанын атап өтті. Оның айтуынша, Баянауылдың табиғи әлеуетін толық ашу үшін инфрақұрылым кезең-кезеңімен жаңартылып жатыр. – Бүгін біз жай…

Instagram мен Facebook әлеуметтік желілерінің жұмысында жаһандық ақау тіркелді. Meta сервистеріндегі іркіліс Қазақстанды қоса алғанда бірнеше елдің қолданушыларына әсер етті, – деп жазады Ertenmedia.kz. Downdetector мәліметінше, мыңдаған адам Facebook пен Instagram қызметіндегі ақауға шағымданған. Қолданушылар жаңалықтар таспасын жаңарта алмай, жарияланымдарды ашу, жаңа жазба орналастыру және жеке аккаунтқа кіру кезінде қиындыққа тап болды. Ақау мобильді қосымшалармен қатар әлеуметтік желілердің веб-нұсқасына да әсер еткен. Facebook қолданушыларының бір бөлігіне аккаунттың сайттағы мәселе салдарынан уақытша қолжетімсіз екені туралы ескерту шыққан. Instagram-дағы негізгі шағым қосымшаның жұмысына, таспаның жүктелмеуіне және контент жариялау мүмкіндігінің шектелуіне қатысты болды. Қазақстандық қолданушылар да екі платформадағы іркіліс туралы хабарлап жатыр. Кейбір…

Жастардың өмірлік мақсаты қымбат телефон, сәнді көлік және сыртқы жылтырға қол жеткізумен ғана шектелмеуі керек. Қоғам қайраткері Нұртөре Жүсіптің пікірінше, жас ұрпақ адамдық пен надандықтың мәңгілік майданында ар-ұят пен намыс жолын таңдауға тиіс, – деп жазады Ertenmedia.kz. Оның айтуынша, көрсеқызарлық, көреалмаушылық пен бос мақтан адамды рухани мешеулікке жетелейді. Материалдық игілік тұрмысты жеңілдеткенімен, адамның азаматтық болмысын қалыптастыра алмайды. Жастың шынайы құны оның қандай телефон ұстағанымен емес, елі мен қоғамына қаншалықты пайда әкелгенімен өлшенеді. Нұртөре Жүсіп қазіргі жастарды сыртқы сәнге ғана қызықпай, ішкі рухани әлемін байытуға шақырады. Оның пайымдауынша, адам өз жан дүниесінің сұранысын елемесе, қолындағы дүниесі көбейгенімен, өмірінің мазмұны жұтаңдай береді.…

Қазақстан қазір Орталық Азиядағы ең ірі экономика әрі халықаралық капитал үшін өңірге кіретін негізгі қақпа саналады. Елдің нарық көлемі, қаржы инфрақұрылымы, географиялық орны және институционалдық реформалары оны Өзбекстан мен көрші мемлекеттерден тартымды етіп отыр, – деп жазады Ertenmedia.kz. Президент Қасым-Жомарт Тоқаевтың Қытайға жұмыс сапары аясында All China Review басылымы Қазақстанның экономикалық мүмкіндігі мен инвестициялық тартымдылығына арналған мақала жариялады. Басылым еліміздің өңірдегі көшбасшылығын нақты макроэкономикалық көрсеткіштермен байланыстырады. Қазақстан экономикасының көлемі Орталық Азиядағы өзге мемлекеттерден едәуір үлкен. Өзбекстанның жалпы ішкі өнімі 147,1 миллиард доллар деңгейінде бағаланса, Қазақстан экономикасы аталған көрсеткіштен екі еседен астам жоғары. Түрікменстанның жалпы ішкі өнімі 77,4 миллиард долларды, Қырғызстан…