Автор: Лейла Болтаева

Әлемге танымал саяхатшы әрі деректі фильм авторы Джо Хаттабтың Қазақстанға арналған жаңа туындысы YouTube-та жарық көріп, қысқа уақытта үлкен аудитория жинай бастады. Фильм блогердің Қазақстан бойынша Дастан Мұхамедрахыммен бірге жасаған сапарының нәтижесінде түсірілген, – деп жазады Ertenmedia.kz. Тревел-блогер Дастан Мұхамедрахым, әлеуметтік желіде bydastann есімімен танымал, фильмнің жарыққа шыққанын хабарлап, сапар кезінде Джо Хаттабқа Қазақстанды таныстыруға және бағыт көрсетуге көмектескенін айтты. Жаңа туынды Қазақстан табиғатын кинематографиялық ракурста көрсетеді. Кадрларда Іле Алатауындағы лаванда алқаптары, Маңғыстаудың басқа ғаламшарды елестететін пейзаждары және Астананың футуристік архитектурасы қамтылған. Фильмнің визуалдық шешімі де көрермен назарын бірден аударған. Қазақстанның табиғи контрастары мен заманауи қалалары бір сюжетке біріктіріліп, елдің…

Құрылтай сайлауы – еліміздің саяси өміріндегі маңызды кезеңдердің бірі. 26 жылдық тарихы бар «Ауыл» партиясы сайлауалды бағдарламасының басты бағыттары мен онда ұсынылған нақты бастамалар туралы «Ауыл» партиясының Төрағасы Қайрат Айтуғановпен сұхбаттасқан едік. – «Ауыл» партиясын алға жетелеген негізгі ұстаным қандай? – «Ауыл» партиясының 26 жылдық тарихы – ел мүддесіне адал қызмет ету жолы. Осы уақыт ішінде басты қағидаттарымыз – ауылды қолдау, еңбек адамының беделін арттыру, отандық өндірісті дамыту және халықтың әл-ауқатын көтеру міндеттеріне адал болдық. Бізді өзгелерден даралайтын басты қасиетіміз де осы ұстанған қағидаттарымызға беріктігіміз. – Су ресурстары — соңғы жылдары аса өзекті тақырыптардың бірі. Бұл бағытта партия тарапынан қандай…

Құрылтай сайлауына бір апта қалғанда партиялардың өңірлердегі белсенділігі артып, саяси науқан пікірталас пен тікелей дебаттар алаңына ойыса бастады. 15-16 тамызда штабтар ғылыми орталықтардан егістік алқаптарына, электр желісі компанияларынан медициналық ұйымдарға дейін түрлі аудиториямен кездесіп, сайлауалды бағдарламаларындағы басымдықтарын таныстырды, – деп жазады Ertenmedia.kz. Орталық сайлау комиссиясының ресми күнтізбесіне сәйкес, Құрылтай депутаттарының сайлауы 23 тамызға белгіленген. Науқанның қорытынды аптасына қарай партиялар өңірлік сапармен қатар жария пікірталас форматына да көбірек назар аудара бастады. «Әділет» партиясы Алматыда ғылыми және шығармашылық зиялы қауым өкілдерімен бірнеше кездесу өткізді. Ұлттық ғылым академиясындағы жиында ғалымдар, жазушылар мен мәдениет қайраткерлері ғылымды дамыту, зерттеу әлеуетін күшейту және ұлттық мәдени кодты…

14 тамызда Алматы мен еліміздің бірқатар оңтүстік өңірінде болған ауқымды электр қуатының өшуі Қазақстанның Бірыңғай электр энергетикалық жүйесінің тұрақтылығы үшін елеулі сынаққа айналды. Апатқа қарсы автоматика ақаудың таралуын тежеп, энергетиктер бірнеше сағат ішінде негізгі жүйені қалпына келтіре алды, алайда оқиғаның нақты себебі арнайы техникалық тексеруден кейін белгілі болады, – деп жазады Ertenmedia.kz. Технологиялық ақау сағат 14:37-де тіркелді. KEGOC мәліметінше, 500 кВ «Ағадыр-Үлкен» Л-5300 және Л-5320, сондай-ақ «Ақтоғай-Талдықорған» Л-5400 электр жеткізу желілері ажыраған. Соның салдарынан Қазақстанның оңтүстік энергетикалық аймағы мен Орталық Азияның Біріккен энергожүйесі оқшауланған режимге көшті. Алдын ала дерек бойынша, жағдайға Орталық Азия энергожүйесі тарапынан қуат ағынының күрт өзгеруі себеп…

Өркениетті қоғам тек экономикалық даму немесе заманауи инфрақұрылыммен өлшенбейді. Мәжіліс депутаты Жанарбек Әшімжанның айтуынша, елдің шынайы мәдени деңгейі адамдардың бір-біріне құрметінен, қоғамдық ортадағы әдептен және күнделікті мінез-құлықтан көрінеді, – деп жазады Ertenmedia.kz. Жанарбек Әшімжанның пікірінше, қазақ қоғамында тектілік ұғымы әрдайым тәрбие, кісілік және жауапкершілікпен сабақтас болған. Алайда соңғы кезде көшеде, қоғамдық көлікте, тойда немесе әлеуметтік желіде дөрекілік пен өзара сыйластықтың әлсіреуі жиі байқалады. Ол өңірлерді аралау кезінде тұрғындар тарапынан да осындай алаңдаушылықтың жиі айтылатынын жеткізді. Жаңаөзен, Қызылорда, Қонаев және Алматыдағы кездесулерде адамдар әлеуметтік-экономикалық мәселелермен қатар тәрбие, мәдениет, дәстүр және қоғамдық қарым-қатынас сапасына қатысты ойларын ортаға салған. Әшімжанның ойынша, өркениеттілік ұғымын…

Өскеменде қазақ вальсінің королі атанған көрнекті композитор Шәмші Қалдаяқовтың туған күніне орай «Жүректерде жаңғырған Шәмші әндері» атты шығармашылық кеш өтті. Оралхан Бөкей атындағы орталықтандырылған кітапхана жүйесі ұйымдастырған кездесуде сазгердің өмір жолы, әндерінің тарихы мен ұлттық музыкадағы орны кеңінен таныстырылды, – деп жазады Ertenmedia.kz. Шығармашылық кеш №4 «Нота» кітапхана-филиалында көрнекті мәдениет қайраткерлерінің мұрасын дәріптейтін «Элегия» клубы аясында ұйымдастырылды. Кітапхана ұжымы қазақтың ән-күй өнерін, белгілі композиторлардың шығармашылығын кітаптар мен мұрағаттық материалдар арқылы оқырманға жүйелі таныстырып келеді. Кештің негізгі кейіпкері Шәмші Қалдаяқовтың әндері болды. Қазақ музыкасына қайталанбас әуез, нәзік лирика мен жаңа ырғақ әкелген композитордың шығармалары бірнеше буынның рухани серігіне айналды. Оның әндерінде…

Құрылтай сайлауы жақындаған сайын ақпараттық кеңістікте фейк, дипфейк және манипуляциялық материалдардың таралуы күшейген. JAQ.OrtCom мәліметінше, сайлау науқаны кезеңінде 200-ден астам анонимді және деструктивті аккаунт арқылы таралған шамамен 15 сериялы ақпараттық материал тіркелді, – деп жазады Ertenmedia.kz. Орталық мамандары мұндай ақпараттық науқандардың белгілі бір алгоритммен ұйымдастырылатынын атап өтті. Алдымен қоғамда эмоциялық реакция тудыратын жалған немесе бұрмаланған ақпарат пайда болады. Кейін ол анонимді Telegram-арналар мен әлеуметтік желілерге таратылып, бот-аккаунттар арқылы бір мезетте кең көлемде жарияланады. Бір мәтіннің ондаған парақшада ұқсас визуалмен және бірдей тезиспен қатар шығуы ақпараттың шынайылығын білдірмейді. Керісінше, JAQ.OrtCom мұндай синхронды белсенділікті ұйымдастырылған ақпараттық ықпалдың белгісі ретінде бағалайды. Жекелеген жағдайларда…

Жасанды интеллект сайлау науқандарындағы саяси коммуникацияның сипатын өзгертіп, контент дайындауды жылдамдатумен қатар жаңа ақпараттық тәуекелдер туғызып отыр. Қоғам қайраткері Ерлан Смайловтың айтуынша, ендігі кезеңде электоралдық үдерістің сапасы технологияны қолданумен ғана емес, қоғамның дипфейк пен манипуляцияны ажырата алу қабілетімен де өлшенеді, – деп жазады Ertenmedia.kz. Ерлан Смайлов қазіргі сайлау науқанында жасанды интеллект құралдарының мәтін әзірлеу, сөз сөйлеуге дайындалу, графикалық материал, аудио және бейнеконтент жасау кезінде кеңінен қолданылып келе жатқанына назар аударды. Оның пікірінше, генеративті технологиялар саяси коммуникацияның өндірістік циклін айтарлықтай қысқартады. Бұрын дизайнер, редактор, бейнемонтаж маманы немесе шығармашылық топ бірнеше сағат, кейде бірнеше күн жұмсайтын жұмысты заманауи ЖИ құралдары әлдеқайда жылдам…

Қазақстан орман өсіру мен деградацияланған жерлерді қалпына келтіруді экологиялық міндеттен инвестициялық құралға айналдыруға кірісті. Париж келісімінің көміртек тетіктерін пайдалану арқылы орман-климаттық жобаларға жеке және халықаралық капитал тарту мүмкіндігі қарастырылып отыр, – деп жазады Ertenmedia.kz. Астанада өтіп жатқан екі күндік жиында мемлекеттік органдар, халықаралық ұйымдар, қаржы институттары, бизнес өкілдері мен климаттық жобаларды әзірлеушілер Қазақстандағы көміртек нарығының мүмкіндіктерін талқылады. Негізгі назар орман өсіру, табиғи экожүйелерді қалпына келтіру және атмосферадан көмірқышқыл газын табиғи жолмен сіңіру жобаларына аударылған. Мұндай модельдің экономикалық логикасы қарапайым. Жаңа орман көміртекті сіңіреді, ал халықаралық стандарттарға сәйкес есептеліп, верификацияланған климаттық нәтиже көміртек бірлігіне айналып, жобаға қосымша қаржы тартуға мүмкіндік бере…

Шығыс Қазақстан облысында егде жастағы азаматтарға интернет-алаяқтықтың кең таралған тәсілдері мен одан қорғанудың қарапайым жолдары түсіндірілді. «Заң мен тәртіп» қағидаты аясындағы «Құқықтық қамқорлық» әлеуметтік акциясы қаржылық сауаттылықты арттырып, цифрлық ортадағы қауіпке қарсы практикалық дағды қалыптастыруға бағытталған, – деп жазады Ertenmedia.kz. Шығыс Қазақстан облысының прокуратурасы қолға алған жоба әлеуметтік тұрғыдан осал азаматтарға құқықтық көмек көрсетумен қатар, интернеттегі қаржылық қылмыстардың алдын алуға басымдық береді. Прокуратура өңірде бұған дейін де «Құқықтық қамқорлық» аясында полиция және әділет органдарымен бірлескен консультациялар ұйымдастырған. Кездесу кезінде қарт адамдарға алаяқтардың адамның сеніміне қалай кіретіні нақты мысалдар арқылы көрсетілді. Қылмыскер өзін банк қызметкері, полиция өкілі, байланыс операторы немесе өзге…