Автор: Лейла Болтаева

Қазақстанда 3 сәуір күні бірқатар өңірлерде ауа райы күрт жылынады. Дегенмен кей аймақтарда жаңбыр жауып, күн күркіреуі мүмкін, деп жазады Ertenmedia.kz. «Қазгидромет» РМК мәліметінше, ел аумағында ауа райы құбылмалы болады, тек кейбір аймақтарда жауын-шашын күтіледі. Шымкент пен Түркістанда күндіз сынап бағанасы +27…+29 градусқа дейін көтеріледі. Мұнда күн ашық, жауын-шашын болмайды, желдің екпіні секундына 8–13 метр шамасында. Тараз бен Қонаев қалаларында да ауа райы жылы әрі ашық болады, күндізгі температура +26…+29 градусқа жетеді. Елордада күн ала бұлтты, жауын-шашын болмайды. Түнде ауа температурасы +1…+3 градус, ал күндіз +19…+21 градус аралығында. Желдің жылдамдығы секундына 7–12 метр. Қарағандыда түнгі уақытта +2…+4 градус болса, күндіз…

Түркістан облысының әкімі Нұралхан Көшеров шаһардағы қоғамдық көлік тасымалдайтын компанияларға заманауи 35 жаңа автобустың кілтін табыстады. Атап айтқанда, «Жолаушы» компаниясы 12 автобуспен, ал «ТехПрофАвто» компаниясы 23 автобуспен толықты, деп жазады Ertenmedia.kz. Салтанатты шарада облыс әкімі қоғамдық көлік саласының халық үшін маңызы зор екенін атап өтті. – Бүгін Түркістанның көлік инфрақұрылымын жақсартуға бағытталған маңызды шараның куәсі болып отырмыз. Қалаға келетін туристер саны жыл сайын артып келеді. Былтыр шаһарға 1 млн 200 мыңнан астам турист келсе, биыл алғашқы үш айда 450 мың қонақ келген. Осыған байланысты қоғамдық көлік қызметі де сапалы болуы қажет. Бүгін тапсырылған автобустар заманауи талаптарға сай, жолаушыларға ыңғайлы әрі…

Сарыағаш ауданында республикалық «Таза Қазақстан» экологиялық жобасының «Жасыл аймақ» бастамасы аясында жаппай көшет отырғызу жұмыстары жүргізілді, деп жазады Ertenmedia.kz. Іс-шараның басты мақсаты аймақты көгалдандыру, экологиялық жағдайды жақсарту және тұрғындар арасында табиғатты қорғау мәдениетін қалыптастыру. Экологиялық шараға 100-ге жуық ерікті жастар мен белсенді тұрғындар қатысып, аудан аумағына 200 түп ағаш көшеттерін отырғызып, маңайын абаттандырды. – Бұл өңірдің экологиялық ахуалын жақсартуға бағытталған маңызды бастама. Сонымен бірге, жастардың қоғамдық белсенділігін арттырып, экологиялық мәдениетін қалыптастыруға ықпал етеді. «Таза Қазақстан» жобасы аясында көгалдандыру және тазалық жұмыстары алдағы уақытта да жалғасын табады. Жастар бұл бастаманы бірауыздан қолдап отыр, – деді облыстық Жастар ресурстық орталығының басшысы Ернар…

Семей қаласында биыл жолдарды жөндеу мен абаттандыру жұмыстары ауқымды түрде жүргізілмек. Облыс әкімі Берік Уәли осы мақсатта қала көшелеріндегі жөндеу жұмыстарын тексеріп, жауапты тұлғаларға нақты тапсырмалар берді, деп жазады Ertenmedia.kz. Қаладағы жалпы ұзындығы 756 шақырым болатын 1179 көшенің бүгінде жартысына жуығы ғана асфальтталған. Өткен жылы бұл көрсеткіш 50 пайызға дейін жеткізілді. Енді 2026 жылға дейінгі арнайы жоспар аясында көшелерді жөндеу жұмыстары жалғасын таппақ. Аймақ басшысы Міржақып Дулатов пен Қайым Мұхамедханов көшелерінің қиылысындағы жол жөндеу жұмыстарымен танысып, мердігерлерден сапа мен мерзімді қатаң сақтауды талап етті. Сонымен қатар, Жолаушылар көлігі және автомобиль жолдары басқармасына Ұлттық сапа орталығымен бірге жолдардың сапасын жүйелі түрде…

Жетісу облысының орталығы Талдықорған қаласындағы «Жастар-3» тұрғын алабында бүгін 55 жеке тұрғын үй пайдалануға берілді. Әлеуметтік осал топтағы азаматтарға жаңа баспаналардың кілтін облыс әкімі Бейбіт Исабаев өзі тапсырды, деп хабарлайды Ertenmedia.kz. Жаңа қоныс иелерін құттықтаған өңір басшысы әр отбасының жеке баспанасы болуымен олардың тұрмыс сапасы жақсаратынын атап өтті. – Бүгін «Жастар-3» тұрғын алабында жаңа жеке үйлердің кілттерін табыстап отырмыз. Әр үйдің ауласында 5-6 сотық жері бар. Су, газ, жарық тартылған, жолдар жақында асфальтталады. Келешекте бұл жерге мектеп, медициналық пункт, саябақ салынып, автобус қатынайтын болады. Осылайша, жайлы әрі көрікті коттедж қалашығы қалыптасады, – деді Бейбіт Исабаев. Жаңа баспанаға қол жеткізгендердің қатарында…

Алматыда арнайы экономикалық және индустриялық аймақтарды дамыту жұмыстары қарқынды жалғасып жатыр. Қазіргі таңда олардың толымдылық деңгейі 90%-дан асып, Индустриялық аймақтың екінші кезеңіндегі жер телімдерінің шамамен 80%-ы инвесторлардың жобалары үшін алдын ала резервке қойылған. Бұл туралы Алматы қаласы әкімінің орынбасары Олжас Смағұлов Өңірлік коммуникациялар қызметінде өткен брифинг барысында мәлімдеді. Оның айтуынша, қалада жер ресурстарының шектеулі болуына байланысты инвестиция тартудың тиімді моделі қалыптасып келеді. «Әкімдік нақты инвестициялық талаптарды белгіледі: бөлінген әр гектар жерге кемінде 3 млрд теңге инвестиция тартылуға тиіс. Басты басымдық — жоғары қосылған құны бар және заманауи жұмыс орындарын ашатын жоғары технологиялық өндірістерді дамыту», — деді Олжас Смағұлов. Қазіргі уақытта…

Батыс Қазақстан облысында жылу және электрмен қамтамасыз ету бойынша маңызды жобалар табысты жүзеге асып жатыр. ҚР Премьер-министрінің кеңесшісі Ермек Маржықпаев пен облыс әкімі Нариман Төреғалиев өңірдегі жылу энергетикасы нысандарының жұмысымен танысты, деп хабарлайды Ertenmedia.kz. Алдымен Үкімет басшысының кеңесшісі Оралдағы жылу электр орталығына барып, жуырда күрделі жөндеуден кейін іске қосылған жапондық «Hitachi» газ турбиналық қондырғысының жұмысымен танысты. 20 жыл бұрын орнатылған турбинаны жөндеу жұмыстары бастапқыда кешіккенімен, облыс басшылығының жедел әрекетімен бұл мәселе шешімін тапты. 2023 жылы облыс делегациясы Жапонияға арнайы барып, зауытпен тікелей келісімшарт жасасты. Нәтижесінде, қуаты 28,5 МВт турбина толық қалпына келтіріліп, іске қосылды. Облыс әкімі өңірде энергетикалық және коммуналдық…

Семейде сауда орындарының тазалығы қатаң бақылауға алынды. Облыс әкімі Берік Уәли шаһардағы бірқатар ірі сауда нысандарын аралап, абаттандыру мен санитарлық жағдайды сынға алды, деп жазады Ertenmedia.kz. Әкімнің рейдтік тексеруі кезінде қала орталығындағы «Нива» сауда үйі, «Жансая» базары мен «Мың бастау» сауда орталығының талаптарға сай емес екені анықталды. Әсіресе, 1985 жылы салынған «Нива» сауда үйінің қазіргі күйі көңіл көншітпейді. Алдындағы дүңгіршектер ескірген, ғимараттың баспалдақтары тазаланбаған, ал төбесінен жаңбыр суы ағып тұр. «Жансая» базарының жағдайы да мәз емес. Ғимарат қасбеті ескіріп, базар маңындағы контейнерлер мен сауда бутиктерінің санитарлық жағдайы сын көтермейді. – Қаланың қақ ортасында орналасқан сауда орындарындағы тазалық деңгейінің төмен болуы…

Қазақстан жер қойнауын игеру саласында жаңа кезеңге қадам басты. «Geoscience & Exploration Central Asia» халықаралық форумы аясында өткен «Орталық Азияның көмірсутек ресурстары: дамуы мен сын-қатерлері» атты панельдік сессияда Энергетика вице-министрі Ерлан Ақбаров саланың басым бағыттарын және инвесторларға арналған жаңа мүмкіндіктерді таныстырды, деп жазады Ertenmedia.kz. Вице-министрдің айтуынша, Қазақстан жер қойнауын пайдалану секторында жоғары қарқын көрсетіп отыр. 2023 жылдан бері геологиялық барлауға салынған инвестиция көлемі шамамен 433 млрд теңгеге жеткен. Ал көмірсутектерді барлау мен өндіруге арналған қолданыстағы келісімшарттар саны 319-ға дейін өскен. Ерлан Ақбаров Мемлекет басшысының геологиялық зерттелген аумақты 2026 жылға қарай 1,5 млн шаршы шақырымнан 2,2 млн шаршы шақырымға дейін ұлғайту…

Тарихи жадыны сақтау – өткенді еске алу ғана емес, ұрпақ сабақтастығын жалғайтын үлкен міндет. Бұл бағытта «Atamnyn Amanaty» қоғамдық бірлестігі соңғы алты жыл бойы Екінші дүниежүзілік соғыста қаза тапқан және хабар-ошарсыз кеткен қазақстандық жауынгерлердің тағдырын анықтауға бағытталған жүйелі жұмыс жүргізіп келеді, деп жазады Ertenmedia.kz. Бірлестіктің негізгі мақсаты майданда қалған сарбаздардың есімін ұмыттырмау. Сонымен бірге олардың жерленген орындарын анықтап, ұрпаққа нақты дерек қалдыру. Бұл жұмыс жастардың бойында рухани-адамгершілік және әскери-патриоттық құндылықтарды қалыптастыруға да тікелей әсер етеді. Іздестіру жұмыстарының ауқымын кеңейту үшін 200-ден астам халықаралық және республикалық меморандум жасалған. Соның арқасында Екінші дүниежүзілік соғысқа қатысқан елдер аумағында архивтік және іздестіру жұмыстары жүргізіліп…