Украинадағы Каменское қаласында тұрған Нұрсұлтан Назарбаевтың барельефін алып тастаудан бас тартты, деп жазады Ertenmedia.kz.
Украинаның ұлттық жады институты бұл нысанда тыйым салынған рәміз жоқ деп тауып, оны декоммунизация және «ресейлік империялық саясат» туралы заңдарға жатқызбаған. Барельеф 2005 жылы орнатылған, ол Назарбаев 1958-1960 жылдары оқыған оқу орнының қабырғасында тұр.
Заңның тар шеңберімен қараса, Киевтің уәжі түсінікті болуы мүмкін. Бірақ тарихи және саяси мән жағынан бұл шешім әлсіз көрінеді. Назарбаев жай ғана сол ғимаратта оқыған бұрынғы студент емес. Ол посткеңестік авторитарлық жүйенің ең танымал символының бірі болды.
Оның үстіне 2014 жылы Назарбаев Путинге Ресейдің Украинадағы әрекетінің «логикасын түсінетінін» айтқан. Сол жылы ол Путинмен бірге Еуразиялық экономикалық одақ туралы шартқа да қол қойған еді. Осындай саяси ізді біле тұра, оны бейтарап тұлғадай қалдыру қисынсыз.
Украина қазір өз кеңістігін кеңестік және империялық көлеңкеден тазартуға тырысып отыр. Осындай кезеңде Путинмен тым жақын жүрген, Мәскеудің интеграциялық жобаларымен қатар жүрген Назарбаевқа қатысты құрмет белгісін сақтап қалу екіұшты әсер береді. Мәселе барельефте балға мен орақтың бар-жоғында ғана емес. Мәселе – ол нысан кімнің атын, қандай саяси дәуірді, қандай байланыстарды еске салатынында.
Сондықтан барельефті бұрынғы орнында қалдырудан гөрі, оны алып тастап, қажет болса музейге не архивтік кеңістікке көшіру әлдеқайда орынды шешім болар еді. Сонда тарих та жоғалмайды, бірақ оған құрмет көрсету реңкі де сақталмайды. Украина үшін дәл қазір маңыздысы – заңдағы формальды тармаққа ғана сүйену емес, соғыс жағдайындағы саяси және моральдық салмақты да дұрыс таразылау.
Мәскеу экономикалық форумында сөз алған Ресей ғылым академиясының академигі Роберт Нигматулин елдің қазіргі жағдайына жұмсақ баға бермеді. Оның айтуынша, мәселе уақытша қиындықта емес, ұзақ жыл бойы қордаланған жүйелік дағдарыста жатқанын айтты.
📌 Ertenmedia-ның Telegram арнасына жазылыңыз: қысқа әрі нұсқа, ең өзекті ақпарат осында!
