Автор: Нұрлан Жұмахан

Соңғы күндері Еділ Жаңбыршинның атына қатысты саяси жорамал көбейді. Бірі оны облыс әкіміне лайық көрсе, енді бірі келесі кадрлық ротациямен байланыстырады, – деп жазады Ertenmedia.kz. Алайда Жаңбыршыин әкімдік креслоға ұмтылып жүрген саясаткер емес. Егер негізгі мақсаты өңір басқару болса, оған мұндай мүмкіндік әлдеқашан туар еді. Білімі, тәжірибесі және саяси салмағы мұндай қызметке толық жетеді. Оның еңбек жолы бір ғана әкімшілік траекториямен шектеуге болмайды. Еділ Жаңбыршин ғылымда, энергетика саласында, жергілікті атқарушы билікте және Парламентте шыңдалды. Ақтау қаласын басқаруы оған өңірлік менеджменттің ауыр жүгін де, аппараттық шешімнің жауапкершілігін де танытты. Мәжілістегі қызметінде ол экология, мұнай-газ, су қауіпсіздігі және табиғи ресурстар мәселесін жүйелі…

Маңғыстау облысының әкімі Нұрдәулет Қилыбай Өзбекстанның Қазақстандағы Төтенше және Өкілетті Елшісі Бахтиёр Ибрагимовпен кездесті. Тараптар сауда, инвестиция және көлік-логистика саласындағы ықпалдастықты кеңейту жолдарын талқылады, – деп жазады Ertenmedia.kz. Кездесу Маңғыстауда өтетін Қазақстан мен Өзбекстан өңірлері басшылары кеңесіне дайындық аясында ұйымдастырылды. Басқосуда алдағы кеңестің күн тәртібі мен бірлескен жобалардың негізгі бағыттары қаралды. Өңіраралық байланысты нақты экономикалық мазмұнмен толықтыруға басымдық берілді. Нұрдәулет Қилыбай Өзбекстанды Қазақстанның Орталық Азиядағы негізгі стратегиялық серіктесінің бірі деп атады. Оның айтуынша, екі ел арасындағы өңіраралық байланыстар сауда мен инвестициялық ынтымақтастықты тереңдетуге мүмкіндік береді. Маңғыстаудағы кеңес жаңа бастамалар мен іскерлік келісімдерге жол ашуы тиіс. Облыс әкімі Маңғыстаудың көлік-логистикалық әлеуетіне…

Таныс адамға ақша беру оңай болғанымен, оны қайтарып алу кейде ұзақ сот дауына ұласады. Сондықтан қолхат жазудың маңызы зор. Ақмола облыстық адвокаттар алқасының адвокаты Нұрлан Жанабаев қарызды дұрыс рәсімдеу және борышкер байланысқа шықпай кеткен жағдайда әрекет ету жолдарын түсіндірді, – деп жазады Ertenmedia.kz. Қарыз, банктік кредит және бөліп төлеу құқықтық жағынан бір ұғым емес. Қарапайым қарыз шарты азаматтармен қатар заңды тұлғалардың қатысуымен де жасалуы мүмкін, ал банктік қарызды банк, микрокредитті тиісті лицензиясы бар ұйым береді. Бөліп төлеу кезінде сатып алушыға ақша табысталмайды, тауар немесе қызмет құны белгілі мерзім ішінде төленеді. Ақшаны ауызша келісіммен беріп, кейін «өзі қайтарады» деп сеніп қалу…

Financial Times Нұрсұлтан Назарбаевтың ағылшын тілінде жарық көрген жаңа мемуарына рецензия жариялады. Желі қолданушысы Алма Төлебаеваның назарын кітап мазмұнынан бөлек, оған алғысөз жазған британдық саясаткер әрі англикан дін қызметкері Джонатан Эйткеннің өмірбаяны аударды, – деп жазады Ertenmedia.kz. «From Dependency to Freedom» атты кітап 2026 жылғы 25 маусымда Ұлыбританияда сатылымға шыққан. Басылымда алғысөз авторы ретінде «The Reverend Jonathan Aitken», яғни дін қызметкері Джонатан Эйткен көрсетілген. Алма Төлебаеваның айтуынша, дәл осы есімнің таңдалуы кітаптың айналасындағы саяси және моральдық контексті тереңдете түседі. Эйткен журналистикадан саясатқа келіп, 1974-1997 жылдары Ұлыбритания парламентінің депутаты болды. Джон Мейджор үкіметінде 1992-1994 жылдары қорғаныс саласындағы мемлекеттік сатып алуға жауапты…

Қазақстанда инклюзивті білім беру әр баланың қабілетін ашуға, оны ортадан шеттетпей, өз қатарымен бірге дамытуға бағытталады. №61 жалпы білім беретін мектеп директоры Гаухар Өтелбаеваның айтуынша, ерекше білім беруді қажет ететін балалардың әрқайсысының өзіне тән даму жолы, мінезі, қызығушылығы және арманы бар. Өз кезегінде білікті маман тілшімізге инклюзивті білім берудің мәні, мектептегі қолдау жүйесі, педагог-ассистенттің рөлі, ата-анамен байланыс және бәріне ортақ мектеп мәдениеті туралы кеңінен әңгімелеп берді. – Гаухар ханым, инклюзивті білім беру сіздер үшін қандай ұғым? – Инклюзияны біз ерекше баланы мектепке қабылдау немесе оны жалпы сыныпқа отырғызу деп қана түсінбейміз. Оның мәні әлдеқайда терең. Әр бала мектепке келгенде өзін…

Қазақстандық қаржыгер Расул Рысмамбетов жинақтың барлығын шетел валютасына аудару дұрыс стратегия емес деп санайды. Оның пікірінше, долларды жылдам пайда табудың жолы ретінде емес, теңгенің шамадан тыс әлсіреуінен қорғайтын құрал ретінде қарастырған жөн, – деп жазады Ertenmedia.kz. Сарапшы қаржыға қатысты ұстанымын TENGE TALKS YouTube арнасындағы сұхбатында айтты. Ол доллар бағамының алдағы қозғалысын болжауға тырыспайтынын жеткізді. Қаржылық шешімді валютаның міндетті түрде өсуі немесе арзандауы жөніндегі жорамалға сүйеніп қабылдауға кеңес бермейді. Расул Рысмамбетов жинақты бір құралда ұстамай, біртіндеп әртараптандыруды тиімді тәсіл деп есептейді. Қолға бос ақша түскен сайын оның бір бөлігін валютаға, қалғанын теңгелік қаржы құралдарына бөлуге болады. Мұндай тәртіп айырбастау бағамының ең…

23 шілдеде Қазақстанның басым бөлігінде жаңбыр жауып, найзағай ойнайды, ал батыс пен оңтүстікте аптап ыстық сақталады. Павлодарда жел екпіні секундына 28 метрге дейін күшеюі мүмкін, – деп жазады Ertenmedia.kz. Астанада күн бұлтты болып, жаңбыр жауады және найзағай күтіледі, желдің жылдамдығы секундына 9–14 метрге жетеді. Түнде ауа температурасы 13–15, күндіз 23–25 градус жылы болады. Алматыда да жаңбыр мен найзағай болжанып, күндіз 27–29 градус ыстық сақталады. Шымкентте жаңбыр жауып, найзағай ойнайды, жел екпіні секундына 15–20 метрге дейін күшейеді. Қалада түнде 19–21, күндіз 30–32 градус жылы болады. Түркістанда жауын-шашын күтілмегенімен, жел екпіні секундына 20 метрге жетіп, күндізгі температура 33–35 градус шамасында қалыптасады. Ақтауда…

Бүгінде еліміздің Қарулы күштерінде жауынгерлік даярлық жүйесі жаңа талапқа сай қайта жаңарып жатыр. Әскерде бірыңғай атыс курсы, жаңа нормативтер және сарбаздардың дайындығын цифрлық бағалайтын «Бес қару» бағдарламасы енгізілуде. Осы ретте Ertenmedia.kz тілшісі ҚР Қорғаныс министрлігі Қарулы күштер Бас штабы Жедел жоспарлау департаменті басқармасының басшысы Асқарбек Манарбаевпен сұхбаттасып, жаңа жүйенің мәні мен цифрлық бақылау және қазіргі соғыс тәжірибесінен алынған сабақтар жайында ой сабақтады. Енді соған назар аударсаңыздар. – Асқарбек мырза, Қарулы күштердегі жауынгерлік даярлық жүйесін қайта қарауға не себеп болды? – Қазіргі қарулы қақтығыстардың сипаты қатты өзгерді. Бұрынғыдай тек классикалық дайындықпен шектелу жеткіліксіз. Бүгінгі ұрыс алаңында сарбаз жылдам ойлап, тез шешім…

Маңғыстау облысында коммуналдық техника паркі соңғы 20 жылда алғаш рет ауқымды түрде жаңартылды. «Таза Қазақстан» бағдарламасы аясында өңірдің қалалары мен аудандарына 115 заманауи арнайы техника табысталды, – деп жазады Ertenmedia.kz. Арнайы көліктер елді мекендерді санитарлық тазалауға, абаттандыруға және қоғамдық кеңістікті күтіп ұстауға пайдаланылады. Техниканы табыстау рәсімі 22 шілдеде Ақтау қаласында өтті. Іс-шараға Маңғыстау облысының әкімі Нұрдәулет Қилыбай қатысты. Коммуналдық кәсіпорындардың материалдық-техникалық базасын күшейту үшін облыс әкімдігі «КАМАЗ Инжиниринг» акционерлік қоғамымен келісім жасаған. Келісім аясында жеткізілген 115 техника өңірдің барлық аумағына бөлінді. Жаңа көліктер бұған дейін құрылған мемлекеттік коммуналдық кәсіпорындардың теңгеріміне берілді. Ақтау қаласына 24, Жаңаөзенге 27 арнайы техника бөлінді. Бейнеу…

Қазақ ұлттық қыздар педагогикалық университетінде «Алтын Орда тарихындағы әйелдер: билік, дипломатия және мәдениет» атты ғылыми дөңгелек үстел өтті. Басқосуда ортағасырлық Еуразиядағы әйел көшбасшылығы мен олардың саяси, мәдени және рухани өмірге ықпалы талқыланды, – деп жазады Ertenmedia.kz. Іс-шара Алтын Орда тарихындағы әйелдердің орнын кешенді зерттеуге арналды. Ғалымдар олардың мемлекеттік басқару, дипломатия және мәдени мұраны қалыптастырудағы қызметіне назар аударды. Сонымен қатар әйел көшбасшылығын зерттеудің заманауи ғылыми тәсілдері сараланды. Ғылыми жиын Президент Қасым-Жомарт Тоқаевтың Алтын Орда мұрасын халықаралық қауымдастықпен бірлесе зерттеу жөніндегі бастамасы аясында ұйымдастырылды. Бастама ұлттық тарихты жаңғыртып, Ұлық Ұлыстың құндылықтарын қазіргі өркениетпен сабақтастыруды көздейді. Қатысушылар тарихи мұраны жаңа деректер мен ғылыми…